LUKA 16:23 - Lai (Hakha) Common Language Bible 2006

²³ Mirumpa cu Hell chungah a tla i nganfak ngaiin a um; cunglei hi a hun zoh i lamhlapi ah khin Abraham le a pawng i Lazaruh kha a hun hmuh hna.

Laibaibal Thiang (BSI)

²³ Cun mithi khua ah harnâk tuarin a um, van lei a hun zoh i lam hlapi i Abraham `ângchung ah a ummi Lazaruh kha a hmuh.

LUKA 16:23 ပူးပေါင်းရင်းမြစ်များ

SALM 16:10

Cu ti ka si cu Mithi khua ah khan na ka kaltak lai lo le na dawtmi cu Khor Thuk chungah na ka chiahtak lai lo caah a si.

SALM 49:15

Sihmanhsehlaw kei cu Pathian nih a ka khamh lai; thihnak ṭhawnnak chungin a ka chuah lai.

SALM 86:13

A fekmi na dawtnak cu zeitluk in dah ka caah a ngan! Thlan tawne in na ka khamh.

SALM 9:17

Miṭhalo vialte hna le Pathian a hlawmi vialte an donghnak cu thihnak a si.

PHUNGTHLÛKBIA 15:24

Mifim cu nunnak lam leiah khin an hung kal, thihnak lam leiah cun an vung kal lo.

PHUNGTHLÛKBIA 5:5

A ke cu thihnak ah an vung kal i a kehlan cu Sheol lei lam kha an zul;

PHUNGTHLÛKBIA 7:27

A inn cu Sheol i vung kalnak lam, thihnak khan chung i a vung lutmi a si.

PHUNGTHLÛKBIA 9:18

Sihmanhsehlaw khika ah thihnak a um ti kha an hngal lo i a sawmmi a hawile hna cu Sheol a thuknak i a ummi an si kha an i hngal lo.

ISAIAH 14:15

Asinain, cu nemmam cu si loin mithi khua a tawne bik tu ah na tla ai!

ISAIAH 14:9

Babilon siangpahrang rak don awkah cun mithi khua cu aa tim. Vawlei cung i mi lianngan a rak simi hna thlarau kha an i teltum. Siangpahrang hna thlarau kha an bawiṭhutdan in an tho.

MATTHAI 11:23

Cun nang Kapernaum khua. Van ah i hlorhning ti na duh. Sihmanhsehlaw hell chungah vun hlonh na si lai. Zeicahtiah na chungah ka tuahmi khuaruahharnak vialte hi Sodom khua chungah khan tuah rak si hna seh law, nihin ni tiang hin a hmun ve ko rih hnga.

MATTHAI 18:9

Cun nan mit nih an pialter hna ahcun khoih u law hlonh ko hna u. Hell chungah mit pahnih he tlak nakcun mit pakhat he lawng nunnak chung i luh cu nan caah a ṭha deuh.”

MATTHAI 23:33

Rul hna, rul fale hna. Zeitindah hell chung tla ding i biaceihnak cu kan luat kho lai tiah nan i ruah?

MATTHAI 5:22

Asinain kei nih cun, ‘A u a nau cung i a thin a hungmi paoh cu biaceihtu hmaiah chuahpi nan si lai i a u siseh, a nau siseh, “Zei rua ram lo,” a timi paoh cu biaceihtu bu sinah chuahpi nan si lai; cun ahohmanh, a u siseh, a nau siseh, “Mihrut” a timi paoh cu hell mei chung i tlak awkah aa tlakmi nan si lai,’ kan ti hna.

MATTHAI 5:29

Cucaah na orhlei mit nih an sualter ahcun, khoih law hlonh ko. Na pum dihlak hell chung tlak nakcun na pum cung thil pakhatkhat na sungh cu a ṭha deuh.

MATTHAI 8:29

Hmakhatte ah khin an ai i, “Pathian Fapa, zeidah na kan duhnak a um? A caan a tlin hlanah kannih dantat awkah na ra maw?” tiah an ti.

LUKA 16:24

Cucaah a hun kawh i, “Ka pa Abraham, ka zaangfah tuah. Lazaruh kha hei thlah law a kutdong kha ti ah va hnim seh law ka lei ah hin run ka thlerh seh, zeicahtiah hi mei chungah hin ka ngan a fak tuk hringhran,” tiah a ti.

LUKA 16:28

cuka ah cun chuahpi unau panga ka ngei hna i hung kal seh law annih tal cu hi nganfah innak hmun ah hin an rat nakhnga lo ralrinnak hung pe hna seh,” a ti.

LUKA 8:28

Jesuh cu a hmuh tikah fak piin a ai i a hmaiah a bawk i aw thang piin, “Jesuh, Cung Nung Bik Pathian Fapa, ka cungah zeidah tuah na duh? Dan ka tat sawh hlah, tiah kan nawl,” tiah a ti.

1 KORIN 15:55

“Thihnak, na mi teinak cu khuazei ah dah a um? Thihnak, mi fahnak na pek khawhnak hmual cu khuazei ah dah a um?”

2 PETER 2:4

A sualmi vancungmi kha Pathian nih a zuah hna lo i hell ah a thlak hna, khika mui lakah thir cikcin in an hren hna i Biaceih Ni kha an hngak ko.

BIAPHUAN 20:10

Cun annih a hlengtu hna, Khuachia kha, mei le kat tili chungah khan an paih, cuka cu sahrang le nal profet an rak thlaknak hna kha a si; cuka ah cun chunzan in zungzal hrem an si zungzal ko lai.