LUKA 16:11 - Lai (Hakha) Common Language Bible 2006

¹¹ Vawlei cung thil tuahtoning i zumhawktlak lo nan si ahcun zeitindah rumnak taktak cu pek khawh nan si lai?

Laibaibal Thiang (BSI)

¹¹ Cucaah chaw deu cung hmanh i zumhawk nan tlâk lo ahcun, chaw taktak cu zeitindah nan zohkhenh khawh lai?

LUKA 16:11 ပူးပေါင်းရင်းမြစ်များ

MATTHAI 6:24

“Ahohmanh bawi pahnih sal nan si kho lai lo; pakhat kha nan dawt deuh lai i pakhat kha nan huat deuh lai; pakhat sinah khan cun zumhawktlak tein nan um lai i pakhat tu kha cu zei ah nan rel lai lo. Pathian le tangka cu an rian nan ṭuan kep kho lai lo.

LUKA 12:33

Nan ngeihmi thil kha zuar hna u law tangka cu mi kha ṭhen hna u. A ṭet kho lomi phaisa bawm kha i zalh u law vancung ah nan ro kha khong hna u, khika ah cun mifir nih an fir kho hna lo i rungrul nih an ei khawh hna lo caah a zor lei an panh bal lai lo.

LUKA 16:12

Cun midang thil a simi ah zumhawktlak nan si lo ahcun aho nih dah nanmah ta a simi thil cu an in pek hna lai?

LUKA 16:9

Cun Jesuh nih cun, “Cucaah hitin kan chimh hna: vawlei cung chawva in hawikom i ser hna u, zeicahtiah chawva cu a dih tikah zungzal inn ah an umter hna lai.

LUKA 18:22

Hi bia cu Jesuh nih a theih tikah, “Pakhat te na bau kun. Na ngeihmi vialte kha va zuar law tangka cu sifakmi kha va ṭhen hna, cun vancung khua ah chawva na ngei lai; cun ra law ka zul,” tiah a ti.

EFESA 3:8

Pathian mi hna lak i a hme bik nak hmanh in a hme deuhmi ka si ko nain, Khrih a rumnak a dong kho lomi Thawngṭha cu Jentail mi hna sinah chim awk le

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

BIAPHUAN 3:18

Cucaah ruahnak kan cheuh duhmi cu, keimah sinin sui thiang taktak kha ka caw law na rum lai. Cun naa thuamhnak ding le taklawng in na umnak ningzahnak khuhnak ding caah, thil rang i cawk fawn. Cun na mit thuh awkah si zong i cawk law cuticun khua na hmu kho lai.