LUKA 15:4 - Lai (Hakha) Common Language Bible 2006

⁴ “A biana ah pakhatkhat nih tuu za khat hei ngei u law pakhat va tlau seh law, cu tikah zeitindah nan tuah lai? Tuu sawm kua le pakua kha an tlonnak hmun ah cun kaltak in a tlaumi cu a hmuh hlan loin a kawl lai lo maw?

Laibaibal Thiang (BSI)

⁴ Nanlakah mi pakhat khat nih tuu zakhat ngei ulaw, pakhat kha thlau sehlaw, sawmkua le pakua kha kal takin a tlaumi kha nan hmuh hlan lo nan kawl lai lo maw?

LUKA 15:4 ပူးပေါင်းရင်းမြစ်များ

SALM 119:176

Tuu tlau bantukin ka vai; cucaah ra law na sal hi ka kawl tuah, zeicahtiah na phunglam cu zeirello in ka um hna lo.

ISAIAH 53:6

Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si.

JEREMIAH 33:13

Tlangram khua ah si hna seh, Shefelah khua ah si hna seh, Negeb khua ah si hna seh, Benjamin ram chungah siseh, Jerusalem khua pawngkam ah siseh, Judah ram khua hna chungah siseh, tuurun hna cu anmah a reltu hna kut tang khan an kal duahmah ṭhan lai, tiah Bawipa nih a ti.

JEREMIAH 50:6

Ka mi cu tuu tlau an si cang, an tuukhal hna nih khan a pingah an kalter hna i tlang cungah khan an duhnak kip ah an vaihter hna; tlang pakhat in tlang dang pakhat ah an kal lengmang i an kawm kha an philh cang.

EZEKIEL 34:16

A tlaumi kha ka kawl hna lai, a pialmi kha ka kirpi ṭhan hna lai, hma a ingmi kha ka thlop hna lai, a zawmi kha thazang ka pek hna lai, asinain a thaumi le a ṭhawngmi kha ka hrawh hna lai. Zeicahtiah kei cu dinnak a tuahtu tuukhal ka si.

EZEKIEL 34:31

Nannih cu ka tuurun, ka mi, ka cawmmi ka saṭil nan si i keimah cu nan Pathian ka si, tiah Bawipa Pathian nih a ti.

EZEKIEL 34:4

A bami kha thazang nan pe hna lo, a zawmi kha nan hram hna lo, hma a ingmi kha an hma nan menpiak hna lo, a pingah a kalmi kha nan kirpi ṭhan hna lo i a tlaumi kha nan kawl hna lo; cucu vun chim loin annih cu zaangfahnak ngei lo le puarhrang ngaiin nan uk hna.

MATTHAI 12:11

Jesuh nih annih cu, “Abiana ah nan tuu pakhatkhat khor chungah Sabbath ni ah tla sual seh law, chuah loin maw nan um ko hnga?

LUKA 13:15

Bawipa nih cun a leh i, “Mi depde hna. Aho paoh nih Sabbath ni ah nan caw siseh nan la siseh an inn in nan thlah hna i ti dinh awkah nan kalpi ko ṭung hna.

LUKA 15:3

Cucaah cun Jesuh nih hi tahchunhnak bia hi a chimh hna:

LUKA 19:10

Zeicahtiah Mi Fapa cu a tlaumi kawl awk le khamh awkah a ra,” tiah a ti.

ROM 2:1

Cucaah aho na si hmanh ah silhnalh khawhnak lam zeihmanh na ngei lo, zeicahtiah midang kha sual na phawt hna tikah, an tuahmi kha na tuah ve ko ṭung caah, nangmah lila sual naa phawt a si ko.

1 PETER 2:25

Tuu a tlaumi bantukin nan tlau cang, sihmanhsehlaw atu cu nan nunnak Khaltu a simi le nan nunnak Cawngtu a simi leiah khan nan kir cang.