LUKA 15:2 - Lai (Hakha) Common Language Bible 2006

² Farasi mi hna le Phungbia cawnpiaktu saya hna cu an zai i, “Hi pa hi misual mi kha a rak pomhlawm hna i rawl zong a eipi hna,” an ti.

Laibaibal Thiang (BSI)

² Farasih hna le nawlbiacawnpiaktu hna nih, “Hipa nih hin misual a komh hna i rawl zong a eipi tawn hna tiah an sawi.

LUKA 15:2 ပူးပေါင်းရင်းမြစ်များ

MATTHAI 11:19

Mi Fapa cu a ra ve i a ei a ding i a mi kip nih, ‘Hi pa hi zohhmanh u, misaram le mizuram, ngunkhuai khawltu hna le misual hna hawikom hi,’ an ti. Sihmanhsehlaw Pathian fimnak cu ahmaan tiah a theitlai nih khan a langhter ko,” a ti.

MATTHAI 9:11

Mah cucu Farasi mi nih khan an hmuh hna i cucaah a zultu cu an thawh hna i, “Zeicahdah nan sayapa hi ngunkhuai khawltu hna le misual hna he rawl an ei ṭi?” tiah an ti.

LUKA 15:3

Cucaah cun Jesuh nih hi tahchunhnak bia hi a chimh hna:

LUKA 19:7

Cu a hmumi vialte cu an zai i, “Hi pa hi misual mi inn i tlun awkah a kal,” an ti.

LUKA 5:30

Cun Farasi mi tlawmpal hna le anmah bu chung um a simi Phungbia cawnpiaktu saya hna kha Jesuh zultu sinah cun an zai i, “Zeicahdah ngunkhuai khawltu hna le misual mi hna he rawl nan ei ṭi?” an ti.

LUKA 7:34

Cun Mi Fapa kha a hung chuak ve i a ei a ding i nannih nih nan i thawh i, “Hi pa hi zohhmanh u, misaram le mizuram, ngunkhuai khawltu hna le misual hna kawi a si,’ nan ti.

LUKA 7:39

Jesuh rawlhrawn a sawmtu Farasi mi nih khan mah cucu a hmuh tikah a lung chungin, “Hi pa hi profet a si taktak ahcun amah a tawngtu nu hi ahodah a si i zeitluk a sualminu dah a si ti kha a hngalh lai,” tiah a ti.

LAMKALTU 11:3

“Cuarpar tan lomi Jentail mi hna inn ah na tlung i rawl zong na ei,” tiah an rak ti.

GALATI 2:12

Jeim nih a hun thlahmi pawl an rat hlanah khan cun Peter cu Jentail unau pawl sinah khan rawl a ei lengmang ko. Sihmanhsehlaw an rat hnuah cun a ei duh ti lo, zeicahtiah Jentail mi cu cuarpar tan awk an si a timi pawl kha a ṭih hna.

1TIMOTE 1:15

Khrih Jesuh cu misual mi hna khamh awkah vawlei ah a rung ṭum, timi hi ahmaanmi le cohlan awk a tlakmi le zumh awk bia a si. Keimah cu an lakah a sual bik ka si ko,