LUKA 15:17 - Lai (Hakha) Common Language Bible 2006

¹⁷ A donghnak ah cun a lung a hung fim i, ‘Ka Pa kuli vialte hmanh nih ei cawk loin ei awk an ngei, kei vial hika ah hin rawlṭam in ka thi cuahmah.

Laibaibal Thiang (BSI)

¹⁷ Cubangin amah le amah a hun i hngalh tikah, kapa sinah kuli a ṭuanmi hna nih ei cawk loin rawl an ngeih lioah, kei hika ah rawlṭâm in ka thi lai maw?

LUKA 15:17 ပူးပေါင်းရင်းမြစ်များ

SALM 119:59

Ka ziaza kha ṭha tein kaa ruat i na nawlbia zulh kha bia kaa kam.

SALM 73:20

Bawipa, annih cu zanmang bantuk an si, na hun i hlauh tikah annih cu an lo colh.

PHUNGCHIMTU 9:3

Kan dihlak cungah thil pakhat a tlung ko i vawlei cung i a ummi thil vialte hna an hmaan lo tlukin ahmaan lomi thil a si ve. Mi cu an nun chung paoh ahcun an ruahnak cu ṭhat lonak le pakpalawng in a khat i hmakhatte ah an thi ko.

JEREMIAH 31:19

Na sinin kan rak pial cang, sihmanhsehlaw ra kir ṭhan zau kha kan duh. Kannih kha dan na kan tat hnuah cun ngaihchia in kan lu lawng kan khun ko. Kannih nih kan no lioah kan rak sual caah khan ningzahnak le hmaichiatnak kha kan rak tong,’ an ti kha ka theih.

ṬAHNAK HLA 1:7

Jerusalem nih hremnak a in lio caan le a vahvaih lio caan kha a hngalh camcin ko, A mi hna cu an ral kut chungah an tlak i Annih bawmtu ahohmanh an um lo lio caan kha, a philh kho lo. A ral nih cun a hmuh i a ṭumchuknak kha diriam in a nihsawh.

EZEKIEL 18:28

A sualnak kha an sining tein a hmuh hna i a hnulei a mertak hna ahcun, a nung lai, a thi lai lo.

HOSEA 2:7

A duhtu kha a dawi hna tikah a phan a phan hna lai lo, A kawl hna tikah a hmu hna lai lo; Cu tikah aa thawh lai i, “Ka va sinah khan ka kir ṭhan lai, amah sin i ka rak um ah khan atu nakin ka caah a ṭha deuh,” a ti lai.

LUKA 15:16

Vok nih an eimi bekawng hmanh kha ṭam lenning ti a duh, asinain ahohmanh nih ei awk zeihmanh an pe lo.

LUKA 16:23

Mirumpa cu Hell chungah a tla i nganfak ngaiin a um; cunglei hi a hun zoh i lamhlapi ah khin Abraham le a pawng i Lazaruh kha a hun hmuh hna.

LUKA 8:35

Cu ti i thil a hung ummi zoh awkah mi cu an va kal. Jesuh sinah khan an va phan i khuachia nih an chuahtak cangmi pa kha a kehram ah puan i aih le lungfim tein a ṭhut kha an va hmuh i an dihlak in an thin a phang.

LAMKALTU 12:11

Khi tikah Peter cu a lung a hung fim i, “Atu cu hihi ahmaan tiah ka hngalh cang! Bawipa nih a vancungmi kha a run thlah i Herod kut chung le Judah mi nih ka cungah an i ruahchihmi vialte chungin a ka khamh,” tiah a ti.

LAMKALTU 2:37

Hi kong kha an theih tikah an lungthin a hriah ngaingai hna i Peter le lamkaltu dang kha an thawh hna i, “U le nau hna, zeidah kan tuah kun lai?” an ti.

EFESA 5:14

Fiang tein langhtermi cu ceunak ah cun an i cang. Cucaah, “Aa hngilhmi i hlau tuah, thihnak in tho tuah, Cun Khrih cu na cungah a ceu lai,” an ti kha a si taktak.