LUKA 15:15 - Lai (Hakha) Common Language Bible 2006

¹⁵ Cucaah cuka ram mipa pakhat sinah khan kuli va ṭuan awkah a kal i cu pa nih cun vok cawngh awkah a lo ah a rak kalter.

Laibaibal Thiang (BSI)

¹⁵ Cuticun cu ram i mi pakhat sinah a um. Cupa nih vawkrawl pe dingin lo ah a kalter.

LUKA 15:15 ပူးပေါင်းရင်းမြစ်များ

2 CHANRELNAK 28:22

Hi Siangpahrang Ahaz ṭhiamṭhiam cu, a lung retheih caan ah hin Bawipa sinah khan zumhawktlak lo chinchin in a um.

EXODUS 10:3

Cucaah Moses le Aaron kha Faro sinah cun an va kal i, “Hebru mi Pathian Bawipa nih, ‘Zei can dah ka nawl zul duh loin na um lai? Ka mi hna cu an ka biak khawh nakhnga kalter hna.

ISAIAH 1:5

Zeicahdah nan puar chin lengmang ko? Fak chinchin in dantat maw nan duh? Israel mi hna, nan lu cu hma a khat i nan lungthin le nan ruahnak cu a zaw.

ISAIAH 57:17

An sual ruang le an duhfah ruangah an cungah ka thin a rak hung, cucaah cun ka thinhun in dan ka tat hna i ka kaltak hna. Sihmanhsehlaw an lung a hak i anmah kalning ṭhiamṭhiam khan an kal.

JEREMIAH 5:3

Maw Bawipa, na mit nih biatak kha a kawl a si lo maw? Nangmah nih annih kha na tuk hna, sihmanhsehlaw an zei a poi lo, An lung kha na chunh hna, sihmanhsehlaw an i remh hlei lo. Annih nih an hmai cu ṭeklung nak hak deuh ah an ser i Ngaihchih kha an duh lo.

EZEKIEL 16:52

Na unau nu hna nih an hmuh awk a si tiah na ruahmi ṭumchuknak cu na in hrim awk a si lai. Annih sualnak nakin nang na sualnak kha fih an nun tuk deuh caah nangmah he tahchunh ahcun annih cu a sual lo bangin an lang ko; cucaah atu cu ningzahnak le ṭumchuknak cu na in hna lai i na unau nu hna cu a sual lomi kha na lawhter ko hna lai.

EZEKIEL 16:63

Na tuahmi vialte kha kan ngaihthiam dih hnuah cun, na lung a pem lai i na ning a zak lai i na lung a ar lai i voi khat hmanh na kaa na ang ṭhan ti lai lo. Mah hihi Bawipa Pathian bia hrimhrim a si,” tiah a ti.

NAHUM 3:6

Nangmah cu fihnung hmunthur in kan khuh lai i na ning kan zahter lai i ek bantuk ah kan rel lai.

MALAKHI 2:9

Cuticun nannih nih ka lam cu zeihmanh ah nan rel lo i cawnpiaknak nan tuahmi ah khan duhdanhnak nan ngeih caah kei zong nih midang mithmuh ah serhsat awk le santlailo ah kan ser ve hna.

MATTHAI 7:6

“A thiangmi thil cu uico kha va pe hna hlah u — an i let lai i nanmah lehlam kha an in seh hna lai. Nan lungvar cu vok hmaiah va thla hlah u, vok nih cun a lamh in an lamh men ko lai.

LUKA 15:13

Ni tlawmpal hnuah khin ngakchia deuh pa nih cun a thilri cu a zuarh i a man tangka cu aa lak i an inn cun a kal. A hla ngaingaimi ram ah a kal i khika ah khan duhduh in khua a va sa i a tangka cu a va sawksam dih.

LUKA 15:14

A ngeihmi vialte cu a hloh dih. Cun cu ram ah cun mangṭam a tlung ciammam i a tawro in a ṭhu.

LUKA 15:16

Vok nih an eimi bekawng hmanh kha ṭam lenning ti a duh, asinain ahohmanh nih ei awk zeihmanh an pe lo.

ROM 6:22

Sihmanhsehlaw atu cu sualnak chung khan luatter nan si cang i Pathian sal nan si cang; nan miakmi cu Pathian sinah pekchanhmi nunning a si i cu nih a chuahpimi cu zungzal nunnak a si.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.