LUKA 14:15 - Lai (Hakha) Common Language Bible 2006

¹⁵ Cabuai i a ṭhu vemi pakhat nih cu bia cu a rak theih i, “Pathian Pennak chung rawl danghnak i aa tel vemi cu zeitluk in dik an i lawmh lai,” tiah Jesuh cu a ti.

Laibaibal Thiang (BSI)

¹⁵ Cabuai i rawl adûm pimi hna chungin mi pakhat nih a sinah, “Pathian pennâk chungah rawl a ei khomi hna cu mithluachuak an va si lai dah,” tiah a ti.

LUKA 14:15 ပူးပေါင်းရင်းမြစ်များ

MATTHAI 25:10

Cucaah a hrutmi ngaknu hna cu zinan cawk awkah khan chawdawr ah cun an va kal i cu karah nupi ṭhi tlangvalpa cu a rak phan. Timh cia tein a ummi ngaknu panga hna cu nupi ṭhit rawldanghnak chungah khan amah sinah cun an lut i innka kha an khar.

MATTHAI 8:11

Hihi va philh hlah u: Nichuahlei le nitlaklei in mi tampi an ra te lai i Vancung Pennak chungah cun rawldanghnak cabuai ah Abraham le Isak le Jakob hna he tiah an ṭhu ṭi lai.

LUKA 12:37

An bawipa nih inn a phak tikah i hlau le ralring tein a rak ummi a sal hna caah cun lunglawmh awk a va si dah! Hihi kan chimh hna: a taisawm kha aa sawmh lai i a ṭhutter hna lai i a bultawl hna lai.

LUKA 13:29

Nichuah, nitlak, chaklei, thlanglei, in mi kha an ra lai i Pathian Pennak cabuai ah khan an ṭhu lai.

LUKA 22:16

Zeicahtiah Pathian Pennak chungah hi rawl hi a sullam taktak langhter a si hlan paoh cu ka ei ti lai lo,” tiah a ti.

LUKA 22:30

Ka Pennak ah ka cabuai ah nan ding nan ei lai i Israel mi phun hleihnih kha biaceihpiak awkah bawi ṭhutdan cungah nan ṭhu lai,” tiah a ti.

BIAPHUAN 19:9

Cun vancungmi nih cun a ka thawh i, “Mah hihi ṭial tuah: Tuufa nupi ṭhitnak puai i sawmmi hna cu milunglawm an va si dah!” a ti. Cun vancungmi nih cun, “Hi bia hi Pathian bia ngaingai an si,” a ti fawn.