LUKA 13:8 - Lai (Hakha) Common Language Bible 2006

⁸ Sihmanhsehlaw dum cawngtu nih khan a leh i, “Bawipa, hi kum khatte hi cu zuah ko rih, a velchum in ka cawh lai i non ka toih lai.

Laibaibal Thiang (BSI)

⁸ Asinain anih nih, “Ka pu, tukum hi cu um rih seh, a velchum ka cawh lai i non ka toih rih lai.

LUKA 13:8 ပူးပေါင်းရင်းမြစ်များ

SALM 106:23

Cucaah Pathian nih cun ka mi cu ka hrawh hna lai a ti; asinain a thimmi a sal Moses nih khan Pathian cu a thlauh i a thinhunnak nih khan a that hna lo.

EXODUS 34:9

Aa thawh i, “Ka cungah na lung a tlin taktak a si ahcun, kan kalpi ko, tiah kan nawl Bawipa. Hi mi hna hi milungṭhawng an si taktak ko, sihmanhsehlaw kan ṭhat lonak le kan sualnak cu kan ngaithiam law nangmah ta ah kan cohlang ko,” a ti.

JEREMIAH 15:1

Cun Bawipa nih a ka thawh i, “Moses le Samuel hmanh kha ka hmaiah dir hna seh law, hi mi hna hi ka zaangfah hlei hna lai lo. Ka hmaika in dawi hna law kal ko hna seh.

JEREMIAH 18:20

Ṭhatnak hi ṭhat lonak in maw lehrulh a si lai? Na thinhunnak kha an sinin aa ṭhial khawh nakhnga anmah aiawh in nangmah cu kan nawl i na hmai i ka dir kha philh sawh hlah.

JOEL 2:17

Bawipa rianṭuantu tlangbawi hna kha innleng le biakṭheng karah khan dir hna seh law ṭap hna seh law, “Maw Bawipa, na mi, nangmah na mi hi run kan zoh tuah; Miphun dang nih capo ah an kan ser i, ‘Khuazei ah dah nan Pathian cu a um kun?’ an kan ti nakhnga lo, Ningzahnak ah cun kan phakter sawh hlah,” tiah ti hna seh.

LUKA 13:7

Cucaah a dum zohkhenhtupa kha a thawh i, “Zohhmanh, kum thum chung theipi kung hi a tlai maw tlai lo, tiah zoh awkah ka ra lengmang i a tlai zeihmanh ka hmu rih lo. Cucaah hau ko. Zeicahhen vawlei dah tu kha a ei lengmang lai?’ tiah a ti.

LUKA 13:9

Cun kumvoi ah a tlai ahcun a ṭha ko, a tlai lo le na hauter te ko hna lai,’ a ti,” tiah a ti.

LUKA 14:35

Vawlei ṭhatternak caah a ṭhahnem lo, ek pon ca zongah a ṭhahnem lo; a hlonh in hlonh awk lawnglawng a si ko. Cucaah hna nan ngeih ahcun, thei ko u!” tiah a ti hna.

ROM 10:1

Ka u le ka nau hna, ka phun hawi mi hi khamh si hna seh ti cu ka lungthin dihlak in ka duh hringhran ko. An caah Pathian sinah thla ka cam lengmang.

ROM 11:14

Ka phun hawimi kha an nahchuahter kaa zuam i cuticun tlawmpal tal ka khamh kho phum hna hnga maw ka ti.

2 PETER 3:9

Bawipa cu a biakam tlinter awkah a khul a nuar ko tiin mi a cheu nih an ruah bang hin a si lo, nanmah cung i lungsaunak a ngeih ca tu ah hin a si deuh. Zeitintiah pakhat tlau hmanh hi a duh lo i mi vialte hi sual ngaihchihnak ngei hna seh ti tu hi a duhmi a si.