LUKA 13:4 - Lai (Hakha) Common Language Bible 2006

⁴ Siloam i innsang nih a nenhmi pahleiriat hna kha tah? Hiti an thihnak nih hin annih kha Jerusalem khua chung i a ummi midang vialte hna nakin an sual deuh tiah a langhter tiah nan ruah maw?

Laibaibal Thiang (BSI)

⁴ Asiloah, Siloam innsâng nih a nenhmi hleiriat hna kha, Jerusalem i a ummi midang nâkin an sual deuh tiah nan ruat maw?

LUKA 13:4 ပူးပေါင်းရင်းမြစ်များ

1 SIANGPAHRANG 20:30

Cun a tang rihmi hna cu Afek khua ah an zam i a tangmi hna chungah sang hnih le thong sarih cu vampang nih a nenh hna. Benhadad zong cu a zam i khua chung i inn pakhat a dal chungchin ah a lut.

NEHEMIAH 3:15

Cun Kolhozeh fapa Shallum, Mizpah peng a uktu nih khan Cerhti Kutka kha a remh; amah nih cun a ser ṭhan i a khuh i a innkhar hna le a hrenhnak awng hna le a hrenhnak fung hna kha a bunh hna; cun amah nih cun siangpahrang dum chung i Shelah Tidilnak vampang cu David Khua i a vung kalmi lamhbak tiang khan a remh.

JOB 1:19

zohhmanh, ramlak lei khin thli fakpi a hung hrang i inn cu a ki li in a den i seino pawl cungah cun a tla i an thi dih; cun keimah lawnglawng hi nangmah chimtu dingah ka luat,” tiah a ti.

ISAIAH 8:6

“Hi mi hna nih hin, dai tein a luangmi Shiloah tiva ti kha an duh lo i Rezin le Remaliah fapa hmaiah a ther in an ther caah,

MATTHAI 18:24

Aa thawk kate ah khin a salpa pakhat cu a sinah an ratpi i cu sal nih cun tangka talen thong hra a bat.

MATTHAI 6:12

Mi nih kan cungah ṭhat lonak an tuahmi kan ngaihthiam hna bangin Kan ṭhat lonak cu kan ngaithiam ve ko.

LUKA 11:4

Kan cung i a sualmi hna kha kan ngaihthiam hna caah Kan sualnak kha kan ngaithiam. Cun a harmi hneksaknak kan phakter hlah,’ nan ti lai,” a ti.

LUKA 13:3

Asilo, nannih zong nan nunning nan ṭhinh lo ahcun anmah thih bantukin nan thi ve lai.

LUKA 13:5

A si hrimhrim lo, nannih zong nan nun nan ṭhinh lo ahcun anmah thih bantukin nan thi ve lai,” a ti.

JOHAN 9:11

Anih nih, “Mipa pakhat a min Jesuh an timi nih, tlak kha a ser i ka mit ah a ka nalh i, ‘Siloam ah va kal law na hmai vaa phiah,’ tiah a ka ti. Cucaah ka va kal i ka vun i phiah cangka khua ka hmu kho,” tiah a leh hna.

JOHAN 9:7

“Va kal law Siloam Tidil ah na hmai vaa phiah,” tiah a ti. (Siloam sullam cu Thlah ti a si). Cucaah mipa cu a va kal i a hmai cu a va phiah i khua hmu in a rak kir.

LAMKALTU 28:4

Cuka rammi hna nih rul kha Paul kut i aa thlai ko cu an hmuh tikah pakhat le pakhat kha, “Hi pa hi lainawng a si ṭheo lai, rili in luat hmanh seh law khuazing nih nunter a duh lo i a si ko,” an ti.