LUKA 13:34 - Lai (Hakha) Common Language Bible 2006

³⁴ “Maw Jerusalem, Jerusalem, profet kha na thah hna i Pathian nih na sinah lamkaltu a rak thlahmi kha lung in na rak cheh hna. Arpi nih a fale cu a thla tangah a huh hna bantukin voi zeizat te dik na chung mi cu ka kut in huh kan timh hna i na duh lo.

Laibaibal Thiang (BSI)

³⁴ “Maw Jerusalem, Jerusalem, profet hna thattu, na sinah an thlahmi lung in a rakcheptu! Arpi nih afa le a thla tangah a huh tawn bangin, nafa le voi zeizatdah huh ka timh hna, sihmanhsehlaw na duh fawn lo!

LUKA 13:34 ပူးပေါင်းရင်းမြစ်များ

NEHEMIAH 9:26

“Sihmanhsehlaw nawl ngai loin an um i nangmah kha an in ral i na phungbia kha an hnulei ah an hlonh i annih cu nangmah lei ah merter ṭhan awkah ralrinnak a petu hna profet hna kha an thah hna i thangchiatnak nganpi kha an tuah.

NEHEMIAH 9:30

Kum tampi na in hna i na thlarau in na profet hna sin khan ralrinnak na pek hna; sihmanhsehlaw an hnapet hmanh nih an ngai duh lo. Cucaah ramdang miphun hna kut chungah na chanh hna.

SALM 149:2

Israel, nangmah an sertu ruangah cun i lawm tuah, Zion mi hna, nan siangpahrang ruangah cun i lawm tuah u!

SALM 17:8

A ka dohtu miṭhalo hna sin hin Na mitfang bantukin ka veng law Na thlazung in ka hup tuah. Huatnak in a khatmi ka ral nih khan an ka dum,

SALM 36:7

Maw Pathian, zeitluk in dah na dawtnak hi a sun! Na thla tangah mi nih dornak an hmuh.

SALM 57:1

Ka zaangfah ko, Maw Pathian, ka zaangfah ko, himnak hmuh duh ah nangmah cu ka fuh. Thlichia ṭihnung a dih hlantiang, na thlazung in ka huppheng ko.

SALM 81:13

Ka mi nih hin ka bia ngai u law zeitluk in dik ka hei i lawmh hnga! Ka nawl zul u law, zeitluk in dik ka lung a va si hnga!

SALM 91:4

A thla in an huh lai i him tein na um lai; zumhawktlak a sinak nih khan an huhphenh lai i him tein an umter lai.

ISAIAH 30:15

Bawipa Pathian, Israel Pathian Thiang nih cun a mi cu a thawh hna i, “Ra kir u law dai tein keimah kha ka bochan ko u. Cu ti nan um ahcun nan ṭhawng lai i him tein nan um lai,” a ti hna. Sihmanhsehlaw cu bantukin um cu nan duh lo.

ISAIAH 50:2

Ka mi hna cu anmah khamh awk i ka hei fuh hna tikah khan, zeicahdah an ka leh duh lo? Ka auh hna tikah khan, zeicahdah an ka chawnh duh lo? Anmah khamhtu dingah ka der tuk maw? Ka bia in rili kha ka kaoter khawh i tiva kha thetse ram ah ka canter khawh hna; an chung i a ummi nga kha ti an hmuh lo caah an thi.

JEREMIAH 2:30

Nan fale ka velh hna cu pakpalawng men a si, an i remh hlei lo; Chiandeih hrang bantukin nanmah vainam nih nan profet kha a ei hna.

JEREMIAH 26:23

Izipt ram cun Uriah cu an vung lak i Siangpahrang Jehoiakim sinah an ratpi. Vainam in a rak thah i a ruak cu mi sawhsawh vuinak hmun ah khan an hlonh.

JEREMIAH 35:14

Jonadab nih a tefa hna cu zu din lo awkin nawl a pek hna i annih nih an pu nawlbia cu an ngaih caah nihin ni tiang te hin ahohmanh zuding an um lo. Sihmanhsehlaw nannih cu bia kan chim lengmang hna nain ka bia nan ngai duh lo.

JEREMIAH 35:17

Cucaah Ralkapbu Bawipa, Israel Pathian nih Judah mi le Jerusalem mi nan cungah rawhralnak ka tlunter lai tiah ka timi vialte kha ka tlunter lai. Nannih cu kan chawnh hna tikah nan ngai duh lo i kan kawh hna tikah nan ka leh duh lo caah hihi nan cungah ka tuah lai,” tiah a ti.

JEREMIAH 6:16

Hi bangin Bawipa nih a ti, “Lam tonnak ah khan dir tuah u law hlanlio lam kha kawl hna u, ‘Ṭhatnak ah a phanmi lam cu khuazei ah dah a si? tiah hal hna u. Cu lam cu zul u law nan caah dinhnak nan hmuh lai,’ ti hna u. Sihmanhsehlaw annih nih an i thawh i, ‘Cu lam cu kan zul lai lo,’ an ti.

ṬAHNAK HLA 1:16

Hi thil hna ruangah hin ka ṭap i Ka mit cu mitthli in a luang; Keimah hnemtu ding le ka thazang hrimhtertu ding cu lamhlapi lawngah an um. Ka fapale hna cu lileng in an um, Ral nih a tei hna caah.

ṬAHNAK HLA 4:13

A kulhnak vampang chungah Miding mi hna thisen a chuahtu A profet hna sualnak ruang le A tlangbawi hna ṭhat lonak ruangah a si.

HOSEA 11:2

Sihmanhsehlaw ka kawh deuh hna paoh ah an ka hlat chin lengmang Baal sinah khan raithawinak an tuah i serchom siasal sinah khan rimhmui kha an khangh.

HOSEA 11:7

Keimah cu an ka mertak cang i cu ruangah a chuakmi thil kha an hrial kho ti lai lo, An cung i an i khinhmi seihnam rit ruangah khan an ai len lai, sihmanhsehlaw ahohmanh nih an ṭhialpiak kho hna lai lo.

JOEL 2:23

“Nannih Zion mi hna, Bawipa nan Pathian cungah i lawm u law nan tha nuam tuah u, Amah nih fur ruah cu a za tawk tein an pek hna, Khuasik caan ruah kha a surter i ṭhal caan ruah kha hmasa bantukin a ratter.

ZEKHARIAH 1:4

Nan pupa hna bantuk kha si hlah u. Hlanlio profet hna nih, ‘Mah hihi Bawipa bia a si: Nan ziaza ṭhalo le nan tuahmi thilṭhalo khan i mer u,’ an rak ti hna. Sihmanhsehlaw ka bia an ngai lo i zei ah an ka rel fawn lo, tiah Bawipa nih a ti. Atu ah tah nan pupa hna cu khuazei ah dah an um kun?

MATTHAI 22:3

A sawmmi kha, ra cang u, tiah va chimh awkah a sinum kha a thlah hna tikah, an ra duh lo.

MATTHAI 22:6

a cheu nih cun a sinum hna kha an rak tlaih hna i an rak velh hna i an rak thah hna.

LUKA 15:28

Fapa upa u cu a thin a hung tuk i inn chungah khan a lut duh lo; cucaah a pa kha a va chuak i, ra lut ko, tiah a lem.

LUKA 19:44

Nangmah le na vampang kulh chung i a ummi minung hna cu an in hrawh dih cikcek hna lai: Pathian cu nangmah khamh awkah a rat caan kha na hngalh lo caah cuka hmun ah cun aa chonhmi lung pakhat hmanh leh loin an kaltakmi a um lai lo.”

LUKA 23:28

Jesuh nih annih kha a merhnawh hna i, “Jerusalem minu hna, keimah caah ṭap hlah u; nanmah le nan fale ca tu ah ṭap deuh u.

LAMKALTU 7:52

Nan pupa hna nih an rak hrem lomi profet an um maw? Pathian Sal a rat lainak hlanpi in a rak chim chungtu Pathian lamkaltu hna kha an rak thah hna. Cun atu cu nannih nih amah kha nan rawi i nan nawn.

LAMKALTU 7:59

Lung in an cheh chih lengmang lioah cun Steven nih, “Bawipa Jesuh, ka thlarau cu nangmah nih cohlang ko,” tiin a au.

LAMKALTU 8:1

Cu ni hrimhrim cun Jerusalem khua khrihfabu nih hremnak in hram aa thawk. Lamkaltu pawl kha dah ti lo cu, a zummi vialte kha Judea ram le Samaria ram ah an i ṭhek dih.

DEUTERONOMI 32:29

Fim hna seh law cu, mah hi an hngalhthiam hnga, An hmailei donghnak kha an hmuh hnga!

DEUTERONOMI 5:29

Keimah ṭih le ka nawlbia hna ulh lungthin atu i an ngeih bang hin a zungzal ngei hna seh law ka hei duh dah, anmah le an fale caah a zungzal in aa remrel hnga!

BIAPHUAN 11:8

an ruak cu khuapi chung lamkalai ah khan an ril lai, cu khua cu an Bawipa vailam i an khenh chihnak khua kha a si. Cu khua cu a min ah minhleng in Sodom, ti asiloah, Izipt ti a si.

RUTH 2:12

Bawipa nih na tuah ciami cu in rul seh law, Bawipa, Israel Pathian, a thla tangah i dor awk i na rak fuhmi nih cun, tampi in laksawng in pe ko seh!” tiah a ti.