LUKA 13:25 - Lai (Hakha) Common Language Bible 2006

²⁵ “Inn ngeitu cu a tho lai i kutka cu a khar lai; cun nannih cu a leng i nan dir i kutka khar cu nan kingh i, ‘Bawipa, innka kan hunh tuah,’ nan ti tikah, ‘Khuazei in dah nan rat kha ka hngal lo,’ tiah an leh hna lai.

Laibaibal Thiang (BSI)

²⁵ Inngeitu a rak chuah i innkâ a khar ahcun, nannih nih lengah dir in, ‘Bawipa, Bawipa, kan on piak ko, tiah va king hmanh ulaw, ‘khuazeilei mi dah nan si kan hngal hna lo,’ tiah an leh hna lai.

LUKA 13:25 ပူးပေါင်းရင်းမြစ်များ

GENESIS 7:16

Pathian nawlpek ning khan, lawng chungah cun an lut. Cun Bawipa nih Noah hnu cun innka cu a khar.

SALM 32:6

Cucaah zumhawktlak a simi vialte hna nih cun, herhnak caan an ton tikah na sinah thla an cam awk a si; tilian a tlun tikah a phan hna lai lo.

ISAIAH 55:6

Atu cu Bawipa kha kan naih ah a um caah amah leiah cun i mer u law amah sinah cun thla cam u.

MATTHAI 25:41

“Cun a kehlei i a ummi hna cu, ‘Nannih, Pathian nih chiat a serhmi hna, kal ko u, Khuachia le a vancungmi hna ca i timh a simi zungzal mit lo mei chungah cun va kal ko u.

LUKA 13:27

Anih nih an thawh hna lai i, ‘Khuazei in nan rat kan hngal lo. Nannih ṭhat lonak a tuahmi vialte hna, ka sinin kal ko u,’ a ti hna lai.

LUKA 3:8

Nan nun nan ṭhinh cu nan thil timi ah khan langhter u. ‘Abraham pei a kan hringsortu cu a si tiah,’ ti len hlah u. Pathian nih cun a duh ahcun hi lung hi a lak hna lai i Abraham tefa ah cun a ser khawh ko hna.

LUKA 6:46

“Zeicahdah nannih nih, ‘Bawipa, Bawipa,’ nan ka ti len ko i kan chimhmi hna cu nan tuah ṭung lo?

2 KORIN 6:2

Pathian nih, “Nanmah cu zaangfah kan duh hna caah kha caan ah khan nan bia cu ka rak in theihpiak hna i Khamh kan duh hna caah kha ni ah khan ka rak in bawmh hna,” tiah a rak chim. Ngaihmanh u! Pathian zaangfahnak hmuh caan cu atu hi a si i khamhnak hmuh ni cu nihin hi a si!

HEBRU 12:17

Nan hngalh bantukin, a hnuah cun a pa thluachuahnak kha hmuh ṭhan duh hmanh seh law a hmu ṭhan kho ti lo; mitthli tla in ṭahhnawh len hmanh seh law a tuah ciami kha a thleng kho ti lo.