LUKA 13:24 - Lai (Hakha) Common Language Bible 2006

²⁴ Jesuh nih a leh hna i, “Kutka bi chung khan lanh i zuam ko u, zeicahtiah hihi kan chimh hna: mi tampi cu luh an i zuam lai nain an lut kho lai lo.

Laibaibal Thiang (BSI)

²⁴ “Kutka bi ah luh i tim u, kan chimh hna, mitampi nih luh an timh na in, an lut kho lo.

LUKA 13:24 ပူးပေါင်းရင်းမြစ်များ

PHUNGTHLÛKBIA 14:6

Miporhlaw nih cun fimnak kha a kawl nain a hmu lo, sihmanhsehlaw hngalhthiamnak a ngeimi caah cun fimnak cu a fawitemi thil a si ko.

PHUNGTHLÛKBIA 21:25

Rianṭuan zuam loin a ummi mithathu cu amahle amah kha aa that ko.

PHUNGCHIMTU 10:15

A hruh tuk ruang i inn lam hmanh a hngal ti lomi lawng nih ba cikcek in rian a ṭuan lai.

ISAIAH 1:15

“Thlacam in nan kut nan hler tikah kan zoh duh hna lai lo. Zeizat tam hmanh in cam u law kan ngaihpiak hna lai lo, zeicahtiah nan kut ah thisen aa neh.

EZEKIEL 33:31

Cucaah ka mi hna cu, mi nih an tuah tawn cio bantukin, an ra hungmang lai i na hmaiah an ṭhu lai. Chimh awk na ngeihmi hna bia cu an theih lai, sihmanhsehlaw an tuah lai lo. ‘Bia ṭha an si,’ an ti lai, sihmanhsehlaw an lung cu mah pumpak miaknak cio lawngah khan fek tein an bunh cang.

MATTHAI 11:12

Johan nih a rat ri in nihin ni tiang Vancung Pennak hi tonghmang loin tuknak a ing i tonghmang loin khua a sami hna nih cun lak an timh.

LUKA 13:23

Mi a cheukhat nih bia an hal i, “Bawipa, mi hi tlawmte lawng maw khamh an si lai?” an ti.

LUKA 21:36

Hi a tlung hnga dingmi thil vialte hi him tein chuak lakin nan tan khawh nakhnga, thazang nan ngeih nakhnga le Mi Fapa hmaiah nan dir khawh nakhnga, ralring tein um u law thla va cam zungzal ko u,” tiah a ti.

JOHAN 13:33

Ka fale hna, nan sinah sau ka um ti lai lo. Nan ka kawl lai, sihmanhsehlaw ‘Ka kalnak ah cun nan ra kho lai lo,’ tiah Judah mi ka chimh hna bang khan nannih zong kan chimh hna.

JOHAN 5:4

A zei maw caan ah Bawipa vancungmi kha a vung ṭum tawn i ti cu a vung cangh tawn. Ti a cangh tikah aa paih hmasa bik paoh cu an zawtnak khan an dam tawn, cucaah cun cu mizaw hna cu ti cangh cu an hngak ko.)

JOHAN 6:27

Hi a rawk khomi rawl caah hin ṭuan hlah ngat u, a hmunmi rawl, zungzal nunnak rawl caah ta nan ṭuan. Hi rawl cu Mi Fapa nih hin kan pek hna lai, zeicahtiah Pa a simi Pathian nih keimah cungah hin a lungsinak kha a khenh cang,” tiah a ti.

JOHAN 7:34

Nan ka kawl lai, sihmanhsehlaw nan ka hmu lai lo, zeicahtiah ka umnak dingah cun nannih cu nan ra kho lai lo,” tiah a ti hna.

JOHAN 8:21

Jesuh nih annih cu a thawh ṭhan hna i, “Kei cu ka kal lai; nan ka kawl lai, sihmanhsehlaw nannih cu nan sualnak chungah nan thi lai. Ka kalnak hmun ah nannih cu nan ra kho lai lo,” tiah a ti hna.

ROM 10:3

Pathian nih zei lam in dah minung cu Amah he a remter hna ti kha an hngal lo i anmah tu nih khan cu lam cu an i ser; cucaah Pathian nih minung cu Amah he a remter hnanak lam kha an cohlang duh lo.

KOLOSE 1:29

Khrih ṭhawnnak le thazang ka chung i rian a ṭuanmi vialte kha hmang in, hi thil hi a can khawh nakhnga, heh tiah kaa zuam i ka ṭuan.

HEBRU 4:11

Cucaah Pathian dinhnak chung i kan luh khawh nakhnga fak piin i zuam u sih. Annih nih Pathian nawl kha an rak ngaih lo i an luh khawh lo bantuk khan kannih cu pakhat hmanh um sual hlah u sih.

JOSHUA 7:3

Cun Joshua sinah an rung kir i a sinah, “Mi vialte cu kalter hna hlah, sihmanhsehlaw thong hnih thong thum tluk hung kal hna seh law, Ai cu hung chim hna seh; mi zapi cu an ning piin khika ah an re hung theihter awk a si lo, zeicahtiah tlawmte lawng an si ko,” tiah an ti.

2 PETER 1:10

Cucaah cun ka u le ka nau hna, Pathian nih an thimnak hna le an kawhnak hna cu nan chungah fehter chinchin ko u; cu ti nan tuah ahcun nan tlu bal lai lo.