LUKA 13:11 - Lai (Hakha) Common Language Bible 2006

¹¹ Cuka ah cun minu pakhat a chungah thlarau ṭhalo a ngeimi a um i thlarau nih cun kum hleiriat chung a zawtter cang i a keng kha a kul dih i a ding kho ti lo.

Laibaibal Thiang (BSI)

¹¹ Cun ngaihmanh, nu pakhat kum hleiriat chung ṭawntaihnâk thlarau nih a ngawrter i a keng â kuai i ding tein a dir kho ti lo.

LUKA 13:11 ပူးပေါင်းရင်းမြစ်များ

JOB 2:7

Cuticun Bawipa hmaika cun Satan cu a chuak i fih a nungmi hma in Job cu a kechik in a luthlung tiang a hrem.

SALM 145:14

Harnak a ingmi kha a bawmh hna i ṭhumhnak a tongmi kha a cawi hna.

SALM 146:8

mitcaw kha khua hmuhnak a pek hna. Ṭhumhnak a ingmi kha a cawi hna i a dingmi a mi kha a dawt hna.

SALM 38:6

Ka keng zong a kul dih i ka ril ko; chun nitlak ngaihchia in ka um.

SALM 42:5

Zeicahdah ka ngaih a chiat? Zeicahdah ka lungre a theih? Pathian cu kaa bochan ṭhan lai i ka Khamhtu le ka Pathian cu ka thangṭhat ṭhan lai.

SALM 6:2

ka baat cang caah ka cungah zaangfahnak ngei ko, ka tha a dih cang caah thazang thar ka pe ko sawh,

MATTHAI 4:23

Jesuh cu Galilee ram dihlak ah khan aa chawk i pumhnak inn ah khan a cawnpiak hna i pennak Thawngṭha kha a chimh hna i zawtnak le fahnak a ingmi a phunphun kha a damter hna.

MARKA 9:21

“Hi ti a umnak hi zei can dah a si cang?” tiah Jesuh nih cun a pa kha a hal. “A ngakchiate in,” tiah a pa nih cun a leh.

LUKA 13:12

Jesuh nih a hmuh tikah a hei auh i, “Minu, na zawtnak in na luat cang,” tiah a ti.

LUKA 13:16

Atu hika i a ummi nu Abraham fanu, Satan nih kum hleiriat chung a hrenmi hi Sabbath ni ah hin phoih awk a si hnga lo maw?” tiah a ti.

LUKA 21:28

Mah hi vialte hi um hram an hun i thawk tikah, dir u law cunglei kha zoh tuah u, zeicahtiah nan tlanhnak cu a nai cang,” tiah a ti.

LUKA 8:2

an zawtnak le thlarau ṭhalo nih a tuah hnanak in a damtermi hna nih khan an zulh ve. Cu hna cu a chungin thlarau ṭhalo pasarih a chuahpiakmi Mary (Magdalin timi) le

LUKA 8:27

Jesuh cu titlang a hei lamh ah khin cu ka khua i a ummi mipa pakhat, a chungah khuachia nih an luhhnawh mipa nih khan a rak ton. Caan saupi puan loin a um cang i inn ah um duh loin mithi vuinak lungkua ah khan a um:

LUKA 8:43

Cuka ah cun nu pakhat thichuah zawtnak in kum hleihnih a zaw cangmi a um i a ngeihmi vialte kha sibawi phalh awkah a hmang dih cang nain ahohmanh nih an damter kho lo.

LAMKALTU 3:2

Khika ah, Kutka Dawh timi ah khan a chuah kate in a ke a beimi pakhat kha a rak um. Biakinn i a kalmi hna kha tangka a hal khawh hna nakhnga amah cu ni fate in cu kutka ah cun a puak in an hei puak tawn.

LAMKALTU 4:22

Hi damnak khuaruahhar an tuahpiakmipa hi kum sawm li lengmi a si.