LUKA 12:7 - Lai (Hakha) Common Language Bible 2006

⁷ Nan lu cung samfa hmanh kha a rel dih hna. Cucaah nan thinphang hlah u: pithlung tampi nakin pei nan sun deuh cu!” tiah a ti.

Laibaibal Thiang (BSI)

⁷ Nan samfang tiangin reldih a si. Cucaah ṭih hlah u, pithlung tampi nâkin nan sunglawi deuh.

LUKA 12:7 ပူးပေါင်းရင်းမြစ်များ

2 SAMUEL 14:11

Cun anih nih, “Thisen phuhlamtu nih khan a thah ti nakhnga lo le, ka fapa cu hrawh a si nakhnga lo, siangpahrang nih Bawipa na Pathian min chalh in chim tuah, tiah kan nawl,” tiah a ti. Cun anih nih, “Bawipa a nun bangin na fapa cu a samfa fa khat hmanh vawlei ah a tla lai lo,” tiah a ti.

JOB 35:11

Vawlei cung saram nakin fimnak tam deuh a kan pe i Van i a zuangmi va nakin fim deuh in a kan sertu kha khuazei ah dah a um?” an ti lo.

SALM 8:6

Na sermi thil vialte a uktu ah na ser i zeizong vialte hna dihlak cungah khan na chiah:

MATTHAI 12:12

A ngaingai ti ahcun, mi cu tuu nakin a let tam piin a sung deuh! Cucaah Sabbath ni ah hin ṭhatnak cu tuah phung a si ko,” tiah a ti.

MATTHAI 6:26

A zuang lengmangmi va khi zoh tuah hna u: thlaici an tuh bal lo, rawl an ṭuan bal lo, buk zongah an rawn bal lo; sihmanhsehlaw vancung i a ummi nan Pa nih a zohkhenh ko hna. A si ah, nannih cu va nakin nan biapi deuh lo maw?

LUKA 21:18

Sihmanhsehlaw nan lu cung samfa fa khat hmanh a tlau lai lo.

LAMKALTU 27:34

Cucaah nan nunnak ding caah hin nan herh caah rawl ei u tiah kan nawl hna. Nan lu cung samfa fa khat hmanh a lo lai lo,” tiah a ti.

1 SAMUEL 14:45

Khi tikah mizapi nih Saul sinah cun, “Israel chungah hi teinak nganpi a tuahtu Jonathan cu maw a thi hnga? Naisai hlah! Bawipa a nun bangin, a lu cung a samfa fa khat hmanh vawlei ah a tla lai lo; zeicahtiah nihin ah Bawipa he pei an tuah ṭi leh hi,” tiah an ti. Cuticun mizapi nih Jonathan cu an tlanh; cucaah a thi lo.