LUKA 12:37 - Lai (Hakha) Common Language Bible 2006

³⁷ An bawipa nih inn a phak tikah i hlau le ralring tein a rak ummi a sal hna caah cun lunglawmh awk a va si dah! Hihi kan chimh hna: a taisawm kha aa sawmh lai i a ṭhutter hna lai i a bultawl hna lai.

Laibaibal Thiang (BSI)

³⁷ Anpu rat tikah timhcia tein a rak ummi sinum hna cu mithluachuak an si. Biataktein kan chimh hna, â timhtuah lai i rawl ei awkah a ṭhutter hna lai, amah tu nih a zoh khenh hna lai.

LUKA 12:37 ပူးပေါင်းရင်းမြစ်များ

ISAIAH 62:5

Tlangval nih ngaknu a ṭhit bantukin Nangmah an Sertu nih an ṭhit lai. Tlangval cu a mo cungah aa lawmh bantukin Na Pathian cu na cungah aa lawm lai.

JEREMIAH 32:41

An cungah kaa lawm lai i an ca i ṭhatnak tuah kha ka tha a nuam lai, cun zumh awk tlak tein ka lung le ka thin taktak in hi ram chungah hin ka phun hna lai.

ZEFANIAH 3:17

Bawipa na Pathian cu, nangmah kha him tein umter awkah na chungah ralkap bantukin a um ko; Na cungah a lung aa lawm lai i a tha a nuam lai; A dawtnak cu an hmuhter ṭhan lai; Hlanlio bantuk khan na cungah lunglawmhnak au thawng he aa lawm lai.

MATTHAI 24:42

Cucaah nan Bawipa a rat lai ni nan hngalh lo caah ralring tein um ko u.

LUKA 12:36

nupi ṭhitnak puai in a ra ṭinmi an bawipa a hngak i a hung phak i innka a hun kingh tikah hmakhatte ah hunpiak awkah timhcia tein a rak ummi a sal hna bantuk khan um u.

LUKA 12:43

A bawipa cu inn i a hung tlun tikah cu ti i a rak tuah a hmuhmi a sal caah cun zeitluk in dah lunglawmh awk a si.

LUKA 17:8

Ti hlah. Nan i thawh lai i, ‘Ka zanriah kha hei tim, cun rawl ka ei lio le ka din lioah na angki leng kha i hruk law ka bultawl, cu hnuah cun na ei ve te lai i na din ve te lai,’ nan ti deuh lai.

LUKA 21:36

Hi a tlung hnga dingmi thil vialte hi him tein chuak lakin nan tan khawh nakhnga, thazang nan ngeih nakhnga le Mi Fapa hmaiah nan dir khawh nakhnga, ralring tein um u law thla va cam zungzal ko u,” tiah a ti.

LUKA 22:27

Ahodah a ngan deuh? Rawl ei awkah a ṭhumi kha maw rawl a petu kha dah? Chim hau loin a ṭhumi kha a ngan deuh. Sihmanhsehlaw kei cu nan lakah rawl petu bantukin ka um.

JOHAN 12:26

Ahohmanh ka rian ṭuantu si nan duh ahcun keimah kha nan ka zulh hrimhrim lai, cucaah ka rian a ka ṭuanpiaktu cu ka umnak ah a um ve lai. Ka rian a ka ṭuanpiaktu cu ka Pa nih upatnak a pek hna lai,” tiah a leh hna.

1 KORIN 2:9

Sihmanhsehlaw Cathiang nih, “Ahohmanh nih an hmuh bal lomi le an theih bal lomi, A si kho lai, tiah ahohmanh nih a ruah in an ruah bal lomi, Kha thengte kha Pathian nih amah a dawtu hna ca i a timhmi cu a si,” a ti bang khan a si taktak.

FILIPI 1:21

Nunnak hi ka caah zeidah a si? Kei ka caah cun nunnak cu Khrih a si ko. Cucaah thihnak nih hin a ṭha deuh chinchinmi thil hmanh a chuahpi lai.

FILIPI 1:23

Thil pahnih karlak ah kaa tenh: hi nunnak hi kaltak i Khrih he um cu ka duh hringhran, cucu a ṭha deuh suaumaumi a si;

2 PETER 1:11

Cuticun kan Bawipa le kan Khamhtu Jesuh Khrih Pennak, zungzal in a hmunmi chungah khan luhnak nawl nan hmu lai.

2 PETER 3:14

Cucaah cun ka u le ka nau hna, cu Ni nan hngah lioah hin Pathian hmaiah a thiangmi le soi awk um lomi nan si nakhnga fak piin i zuam u law amah he cun rem tein um u.

BIAPHUAN 14:13

Cun vancung in aw pakhat ka theih i, “Hihi ṭial tuah: Khrih zumh bu tein a thimi cu lunglawmmi an si,” a ti. Cun Thlarau nih, “A si hrimhrim lai. An rianṭuanmi nih khan a zulh hna lai i rian an ṭuannak cun an i din cang lai,” tiah a leh.

BIAPHUAN 16:15

“Ngai hmanh, mifir bantukin ka ra lai. Zapi lakah taklawng in an vah nakhnga lo le ningzak in an um nakhnga lo, hngilh lo tein a rak um i a hnipuan ṭha tein a rak i fimhlawmmi cu, lunglawmmi an si,” a ti.

BIAPHUAN 3:21

Keimah kha teitu ka si i ka Pa pawngah a bawiṭhutdan cungah ka ṭhut bantuk hin, teitu a simi cu ka bawiṭhutdan cung i ka pawngah ṭhutnak nawl kha ka pek hna lai.

BIAPHUAN 7:17

Zeicahtiah bawiṭhutdan laifang i a ummi Tuufa kha an tuukhal a si lai i nunnak tiput cerhkam ah a kalpi hna lai. Cun Pathian nih an mitthli vialte kha a hnawhpiak dih hna lai,” a ti.