LUKA 12:33 - Lai (Hakha) Common Language Bible 2006

³³ Nan ngeihmi thil kha zuar hna u law tangka cu mi kha ṭhen hna u. A ṭet kho lomi phaisa bawm kha i zalh u law vancung ah nan ro kha khong hna u, khika ah cun mifir nih an fir kho hna lo i rungrul nih an ei khawh hna lo caah a zor lei an panh bal lai lo.

Laibaibal Thiang (BSI)

³³ Nan ngeihmi zuar ulaw, misifak pe hna u; van i mifir um lo nâkah, rungrul ei khawhlo nâkah, phaisa bawm rawhkhawhlonâk le chaw `im khawhlonâk i ser u.

LUKA 12:33 ပူးပေါင်းရင်းမြစ်များ

PHUNGTHLÛKBIA 13:7

Mi a cheukhat cu mirum bantukin an i umter, sihmanhsehlaw zeihmanh an ngei lo, a cheukhat cu sifak bantukin an i um ter, sihmanhsehlaw chawva tampi an ngei.

HAGGAI 1:6

A tuh cu tampi nan tuh ko, sihmanhsehlaw tlawmte lawng nan zun; a ei cu nan ei ko, sihmanhsehlaw nan orthi a hnim bal lo; a din cu nan din ko, sihmanhsehlaw nan i za ceoceo tiang lawng a si; puan cu nan i aih ko, sihmanhsehlaw nan khua a lum bal lo; rianṭuantu nih khan an ṭuan man an hmuhmi cu zal pem chungah an sanh lengmang ko.

MATTHAI 19:21

Jesuh nih cun a thawh i, “Mi tling si na duh ahcun, va kal law na ngeihmi thil vialte kha va zuar hna; cun tangka na hmuhmi cu misifak kha va pe hna; cuticun vancung khua ah chawva na ngei lai, cun ra law rak ka zul,” tiah a ti.

LUKA 11:41

Sihmanhsehlaw nan hrai chung le nan kheng chung i a ummi thil kha misifak va pe hna u law nan caah zeizong vialte a thiang ko lai.

LUKA 12:21

Cun Jesuh nih cun a biadonghnak ah, “Hitihin pei anmah ca lawng i chawva a khong cuahmah i Pathian hmuhnak i a rum ṭung lomi cu an si cu,” tiah a ti.

LUKA 16:9

Cun Jesuh nih cun, “Cucaah hitin kan chimh hna: vawlei cung chawva in hawikom i ser hna u, zeicahtiah chawva cu a dih tikah zungzal inn ah an umter hna lai.

LUKA 18:22

Hi bia cu Jesuh nih a theih tikah, “Pakhat te na bau kun. Na ngeihmi vialte kha va zuar law tangka cu sifakmi kha va ṭhen hna, cun vancung khua ah chawva na ngei lai; cun ra law ka zul,” tiah a ti.

JOHAN 12:6

Hi bantukin bia a chim cu misifak kha an zawn a ruah hna caah si loin, mifir rak si kaw a kenmi tangka bawm chung khan a rak i lak lengmang tawn ca tu ah a rak si.

LAMKALTU 2:45

An thil le an ngeihmi kha an zuar hna i tangka an hmuhmi kha a dihlak in an herhning cio paoh in an i phaw.

2 KORIN 8:2

Harnak an innak nih khan fak piin a hneksak hna; asinain an i lawmhnak cu a ngan tuk caah an si a fak ngaingai ko nain thawhlawm ah an siang ngaingai.