LUKA 12:31 - Lai (Hakha) Common Language Bible 2006

³¹ Cucaah amah Pennak cu biapi bik ah ruat u law nan herhmi thil vialte hi an pek ko hna lai,” tiah a ti.

Laibaibal Thiang (BSI)

³¹ Asinain Pathian pennâk kha kawl ula, cuthil vialte cu chap nan si ko lai.

LUKA 12:31 ပူးပေါင်းရင်းမြစ်များ

SALM 34:9

A mi vialte hna, Bawipa cu ṭih tuah u, amah a ṭihmi nih cun an herhmi thil vialte kha an hmuh.

SALM 37:19

Caan ṭhalo a tlun tikah sifah an ing lai lo, mangṭam a tlun tikah ei awk a za an ngei lai.

SALM 37:25

Ka rak no i atu cu ka tar cang, asinain hi vialte chungah hin miṭha cu Bawipa nih a hlawt kha ka hmu bal lo i a fale zong rawl hal in an vah kha ka hmu bal lo.

SALM 37:3

Bawipa cu i bochan u law ṭhatnak kha tuah u; ram chungah hin um u law him tein khuasa u.

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

ISAIAH 33:16

Cu bantukin na um ahcun khua-awng na pem lai i a ṭhawngmi ralhau bantukin na fek lai. Rawl ei awk kha na ngei zungzal lai i tidin awk kha zeitikhmanh ah na dong lai lo.

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

LUKA 10:42

sihmanhsehlaw a herh taktakmi cu pakhat lawng a si ko. Mary nih ahmaanmi thil cu aa thim cang i cucu ahohmanh nih an chut lai lo,” tiah a ti.

LUKA 12:30

(Zeicahtiah hi thil hna hi cu vawlei mi nih an kawlhawl tawnmi hna an si ko). Nan Pa nih hi thil hi nan herh hna ti cu a hngalh ko.

JOHAN 6:27

Hi a rawk khomi rawl caah hin ṭuan hlah ngat u, a hmunmi rawl, zungzal nunnak rawl caah ta nan ṭuan. Hi rawl cu Mi Fapa nih hin kan pek hna lai, zeicahtiah Pa a simi Pathian nih keimah cungah hin a lungsinak kha a khenh cang,” tiah a ti.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

1TIMOTE 4:8

Pum in thiam lakin cawnmi kha santlaihnak a ngei, asinain cu bantuk santlaihnak cu donghnak a ngei; sihmanhsehlaw biaknak ṭhathnemnak cu donghnak a ngei lo, zeicahtiah cu biaknak chungah cun Pathian nih atu kan nunnak ca he hmailei kan nunnak ca he bia a kan kamh.

HEBRU 13:5

Tangka hi duh tuk hlah u, nan ngeihmi ah khan nan lung awi ko u. Zeicahtiah Pathian nih, “Kan kaltak bal hna lai lo i kan hlaw bal fawn hna lai lo,” a ti.