LUKA 12:20 - Lai (Hakha) Common Language Bible 2006

²⁰ Sihmanhsehlaw Pathian nih a thawh i, ‘Mihrutpa, tuzan hrimhrim ah hin na nunnak cu an in lakpiak a hau lai; cucaah nangmah ca i na khonmi thilri vialte hi aho nih dah a co kun lai?’ a ti,” tiah a ti.

Laibaibal Thiang (BSI)

²⁰ Asinain Pathian nih, “Mihrutpa, tuzan ah na nunnâk an in lakpiak lai, na chawva hna kha aho ta dah a si kun lai? tiah a ti.

LUKA 12:20 ပူးပေါင်းရင်းမြစ်များ

ESTHER 5:11

Cun annih cu Haman nih a rumnak sunparnak le a fapa zeizat an si le siangpahrang nih rian kainak le upatnak a pekmi vialte le siangpahrang bawi hna le sinum vialte hna cung i a chiahnak kha a relh ṭhan hna.

JOB 27:8

Pathian nih Pathian zei i a rel lomi cu a thah tikah, Pathian nih a nunnak a lakpiak tikah khan, A caah zei ruahchannak dah a um?

SALM 39:6

thlahawm menmen an si ko. An tuahmi vialte hi pakpalawng an si dih; chaw le va kha heh tiah an khon, sihmanhsehlaw a cotu ding cu aho an si kha an hngal lo.

SALM 49:10

Hihi philh hlah: mifim zong mihrut bantukin an thi ve ko lai i an chaw le an va cu an fale kha an roh ve ko hna lai.

SALM 73:19

Chikkhatte ah an rawk i an donghnak cu ṭihnung ngaingai a si.

SALM 78:30

Sihmanhsehlaw an ei lio, a khim hmanh an khim hlanah khan,

PHUNGTHLÛKBIA 10:2

Ṭhat lonak in hmuhmi chawva cu a miak lo, sihmanhsehlaw dinnak cu thihnak chungin chuahtertu a si.

PHUNGTHLÛKBIA 11:4

Thihnak nih aan phak ni ah cun rumnak hi a ṭhahnem lo, sihmanhsehlaw dinnak cu thihnak chungin michuahtu a si.

PHUNGTHLÛKBIA 13:7

Mi a cheukhat cu mirum bantukin an i umter, sihmanhsehlaw zeihmanh an ngei lo, a cheukhat cu sifak bantukin an i um ter, sihmanhsehlaw chawva tampi an ngei.

PHUNGTHLÛKBIA 27:1

Thaizing kong kha i porhlaw hlah, cu ni nih zei a chuahpi lai kha na hngal lo.

PHUNGTHLÛKBIA 28:8

A miak le a karh in a rumnak a chap chintu nih, misifak hna cung i zaangfahnak a ngeimi pa caah khan a khon a si.

ISAIAH 56:12

Hi zuri hna nih hin an i thawh i, ‘Zu kha la rih u sih law kan celh chungin tawng u sih. Thaizing cu nihin nak hmanh hin a ṭha chin deuh rih lai,’ an ti,” a ti hna.

JEREMIAH 17:11

Dinlonak in chawva a ngei luaimaimi cu Amah ti a si lomi ti a bu chungah a tlummi vaking bantuk a si, A chan ṭim hlanah a chawva cu a kaltak ko hna lai i A donghnak ah cun mihrut a si kha amah nih a langhter ko lai.

AMOS 6:13

Lodebar nan lak khawh caah khan nan i thangṭhat i “Karnaim cu kanmah thazang tein kan la lo maw?” nan ti.

NAHUM 1:10

Hling nih a ngerhmi le zuri bantuk le a romi capawl bantukin na kang dih lai.

LUKA 11:40

Mihrut hna! A lenglei a sertu Pathian nih khan a chunglei zong cu a ser lo maw?

1THESALON 5:3

Mi nih, zeizong vialte a dai dih ko i a him dih ko, an ti liote ah khin rawhnak nih cun a den hna lai. An luat kho lai lo — nu cungah a tlungmi nau nganfah bantuk khi a si lai.

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.

1TIMOTE 6:7

Zeidah vawlei ah hin kan hun i chuahpi? Zeihmanh kan i chuahpi lo.

JEIM 4:14

Thaizing ah na nunnak cu zei a lawh lai hmanh na hngalh ṭung lo. Nang cu minmei zaammi bantuk, atute a hung um i a lo zaumi bantuk pei na si ko cu.