LUKA 12:1 - Lai (Hakha) Common Language Bible 2006

¹ Mi cu a thongthong in an i pum i, i pah lulhmalh in an um tikah, Jesuh nih a hmasa bik ah a zultu kha a thawh hna i, “Farasi mi thilnu kha i ralring u, ka chim duhmi cu midepde an sinak hi a si.

Laibaibal Thiang (BSI)

¹ Cucân ah mi thong tampi cu i eng luaimai in an i pum ṭhân. A hmaisa bikah Jesuh nih a lamkaltu hna sinah, “Farasih thilnu, depdetnâk chungin i ral ring u.

LUKA 12:1 ပူးပေါင်းရင်းမြစ်များ

2 SIANGPAHRANG 7:17

Siangpahrang nih khan a kut aa bochanmi ralbawipa kha kutka cawngtu ah cun a thiah i, siangpahrang nih Pathian mi sinah a vung kal i anih nih a rak chimning khan, mi nih khan kutka ah cun an cil ciammam i a thi.

JOB 20:5

Miṭhalo lawmhnak cu tawite lawng a si i Pathian zei ah a rel lomi thanuamnak cu caan tawite lawng a si.

JOB 27:8

Pathian nih Pathian zei i a rel lomi cu a thah tikah, Pathian nih a nunnak a lakpiak tikah khan, A caah zei ruahchannak dah a um?

JOB 36:13

Mi lungpuam nih cun an thinhun kha an chuahhnawh i Annih kha a ṭem hna tikah bawmhnak hal an duh lo.

ISAIAH 33:14

Zion i a ummi misual hna cu an thinphan tuk ah a ther in an ther. “Pathian biaceihnak cu zungzal in a alhmi mei bantuk a si. Cu bantuk mei cu kan lakah hin a celh kho kan um ngai hnga maw?” an ti.

LUKA 11:44

Nan caah ṭihnung a va si dah. Nannih cu hmelchunhnak tuah lomi thlan, a cung i mi nih hngalh loin an kal tawnnak bantuk cu nan si,” a ti.

LUKA 12:56

Midepde hna, van le vawlei kha nan zoh i an sullam zeidah an si ti kha nan hngalh khawh; a si kun ahcun zeicahdah caan sullam hi nan hngalh khawh kun lo?” a ti.

LUKA 5:1

Ni khat cu Genesaret Tilikam ah Jesuh cu a dir lioah khan mi tampi nih Pathian bia theih awkah amah cu an buthnawh.

LUKA 5:15

Sihmanhsehlaw Jesuh thawng cu a thang chinchin i mirun tampi nih a bia ngaih awkah le an zawtnak in damter awkah an fuh.

LUKA 6:17

Tlang cung cun an sinah a rung ṭum hnuah Jesuh cu hmunrawn pakhat ah a zultu mi tampi hna sinah khan a dir. Cuka ah cun mi tampi an um i cu hna cu Judea ram khuazakip le Jerusalem khua le rilikam khua a simi Tair le Sidon khua in a rami an si;

LAMKALTU 21:20

A chimmi cu an theih tikah Pathian kha an thangṭhat. Cun Paul cu an thawh i, “Unaupa, zeitindah thil umtuning a si cu na hngalh ko. Judah mi lakah hin thong tampi a zumtu an um cang i cu hna cu Phung a ṭanh ngaingaimi an si.

1 KORIN 15:3

Ka rak hmuhmi kha nannih kan pek chin hna i cucu a biapi ngaingaimi a si. Cucu zeidah a si tiah, Cathiang chungah a rak i ṭial bang khan Khrih cu kan sualnak caah a thi;

HEBRU 12:22

Sihmanhsehlaw nannih nih nan phakmi tlang cu Zion Tlang le Pathian nung khualipi van Jerusalem, vanmi a thongthong in an umnak kha a si.

JEIM 3:17

Sihmanhsehlaw cunglei in a rami fimnak cu a hmasa bik ah a thiang i cun daite le nem tein a um i hawikom cungah a ṭha; midang zaangfahnak khan a khat i thil ṭha kha tampi a tlai; thleidannak zeihmanh a ngei lo i a zer zong a zer lo.

1 PETER 2:1

Ṭhat lonak vialte kha hlaw cang hna u; ziar ngei ti hlah u, lih chim ti hlah u; hrawkhrol in um ti hlah u, nahchuahnak ngei ti hlah u, zawmhtaihnak bia hmang ti hlah u.