LUKA 11:36 - Lai (Hakha) Common Language Bible 2006

³⁶ Cun nan pum cu a dihlak in ceunak in a khah i a zeika zawn hmanh kha muihnak chungah a um lo ahcun, meiinn nih a ceunak in an ceuh hna bantuk khin a ceu lai.

Laibaibal Thiang (BSI)

³⁶ Na pumpuluk cu ceunâk in a khah ahcun, a ceu ngai ngaimi meiin nih a ceuhmi bantukin na pum cu ceuhdih a si ko lai.

LUKA 11:36 ပူးပေါင်းရင်းမြစ်များ

PHUNGTHLÛKBIA 1:5

Cun mifim zong nih an ngaih ahcun an fimnak a ṭhang lai i Hngalhthiamnak a ngeimi nih thiamnak an hmuh chin lai i

PHUNGTHLÛKBIA 20:27

Bawipa nih ruahnak le a chia le a ṭha thleidan khawhnak lungthin a kan pek. Kanmah sinin kan i thup kho lo.

PHUNGTHLÛKBIA 6:23

Zeicahtiah nawlbia cu meiinn a si i cawnpiaknak cu ceunak a si,

ISAIAH 42:16

A mit a cawmi ka mi cu, an kal bal lonak lam khan ka kalpi hna lai. Muihnak cu ceunak ah ka canterpiak hna lai i an hmai i lam bingbo cu lam mil ah ka ser hna lai. Hi thil hi tlolh lo tein ka tuah hrimhrim hna lai.

ISAIAH 8:20

Sihmanhsehlaw nannih nih cun, “Bawipa nih an cawnpiakmi hna kha ngai ko u! Thitlawng bia kha ngai hna hlah u — an chimmi nih zeihmanh an ṭhathnem hna lai lo, tiah nan leh hna lai,” a ti.

HOSEA 6:3

Bawipa hngalh cu i zuam u sih, Khua a dei hrimhrim lai bantukin, kan sinah a ra hrimhrim lai; Vawlei a hnawntertu ding ṭhal ruah a sur hrimhrim lai bantukin kan sinah a ra hrimhrim lai.

MATTHAI 13:52

Cucaah a thawh hna i, “Phungbia cawnpiaktu saya, Vancung Pennak kong cawnpiaknak a cohlangmi cu, inn ngeitu, a thil khonnak chungin thil thar he thil hlun he a chuah lengmangtu bantuk a si,” tiah a ti.

MATTHAI 5:15

Ahohmanh nih meifar an van tikah kho an khuh bal lo, mei vannak tu ah khan an chiah tawn i inn chung i a ummi vialte kha a ceuh dih hna.

LUKA 11:35

Cucaah nan chung i ceunak a ummi cu muihnak a si nakhnga lo i ralring tuah u.

LUKA 11:37

Bia a chim dih tikah Jesuh cu Farasi mi pakhat nih rawl hrawn a sawm; cucaah a va kal i rawl ei awkah khan a ṭhu.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

EFESA 4:14

Midang a palhter tawntu hlenthiammi hna cawnpiaknak tilet le thlichia bantuk a simi nih a kenkip ah a choihmi ngakchia bantuk hna si ti loin,

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

HEBRU 5:14

Sihmanhsehlaw rawl taktak cu upa nih khan an ei khawh; annih cu chia le ṭha thleidan khawhnak a ngei cangmi an si.

JEIM 1:25

Sihmanhsehlaw mi a luattertu nawlbia tling chungah ṭha tein aa bih i cucu a ruat peng i, a theihmi kha philh loin a tuahmipa cu Pathian nih a tuahnak ah lawmhnak a pek.

2 PETER 3:18

Kan Bawipa le kan Khamhtu Jesuh Khrih vel le hngalhnak ah khan ṭhang ko u. Atu le zungzal tiang khin sunparnak cu amah ta si ko seh! Amen.