LUKA 11:22 - Lai (Hakha) Common Language Bible 2006

²² Sihmanhsehlaw amah nakin a ṭhawng deuhmipa nih a hung doh i a hung tei tikah inn ngeitupa nih aa bochanmi hriamnam vialte kha aa kalpi dih hna i a firmi thil kha midang a phawt hna.

Laibaibal Thiang (BSI)

²² Asinain a mahnâk ṭhawngdeuh a rat i a rak tei ahcun â kilvennâk ralthuam vialte cu a chuh lai i hranchaw kha a phawt dih hna lai.

LUKA 11:22 ပူးပေါင်းရင်းမြစ်များ

GENESIS 3:15

Nangmah le nu cu nan i hua lai, a tefa le na tefa cu ral an si lai. Mi nih na lu kha rial an in zuam lai i nang nih an kedil kha cuk naa zuam ve lai,” a ti.

EXODUS 15:9

Ral nih khan an i thawh i, ‘Kan dawi hna lai, kan tlaih hna lai; an chawva cu kan i ṭhen lai i kan duhmi paoh kha kan i lak lai. Kan vainam kha kan i chuah lai i an ngeihmi thil vialte kha kanmah ṭhawnnak thawngin kan chuh hna lai,’ an ti.

ISAIAH 27:1

Cu ni ah cun Leviathan rulpi, a kualh in aa kual i a ngerh in aa ngerhmi rulpi kha dantat awkah le rili chung i a ummi rulpi kha thah awkah a ṭhawng i a har ngaingaimi a vainam kha Bawipa nih a hman lai.

ISAIAH 53:12

Cucaah amah cu upatnak hmun ka pek lai, milian mingan le miṭhawng hna lakah hmun ka pek lai. A nunnak kha i awṭawm lo tein pek a sian i misual mi kha an in ding cu a inpi hna,” a ti.

LUKA 11:21

“A ṭhawngmipa nih a hriamnam dihlak he a inn kha a ven tikah a ngeihmi thil vialte kha a him tawn.

LUKA 11:23

“Keimah a ka ṭanh lomi cu a ka dohtu an si; pumh a ka bawm lomi cu ṭhektu an si,” tiah a ti.

EFESA 6:11

Khuachia hlennak kha nan doh khawh nakhnga Pathian nih an pekmi hna ralthuam vialte kha i hruk u.

EFESA 6:13

Cucaah atu hin Pathian ralthuam kha i hruk u. Cun ni ṭhalo kha a hung phanh tikah nan ral cu nan rak doh khawh lai i a donghnak tiang nan i tuk hnu zongah nan hmun ah cun fek tein nan dir kho lai.

KOLOSE 2:15

Cun vailam cungah khan Khrih nih thlarau uktu hna le nawlngeitu hna ṭhawnnak khan aa hlitphuak i zapi zoh awk men ah khan a ser hna i teinak in a kalnak ah khan sal tlaihmi bantukin a hruai hna.

1JOHAN 3:8

cun sualnak a tuahmi paoh cu Khuachia fa a si ko, zeicahtiah Khuachia cu a hramthawk tein a rak sualmi a si. Pathian Fapa a hung langhnak cu Khuachia rianṭuannak hrawh awkah hin a si.

1JOHAN 4:4

Sihmanhsehlaw ka fale hna, nannih cu Pathian ta nan si i nal profet kha nan tei cang hna; zeicahtiah nan chung i a ummi Thlarau kha vawlei mi a simi hna chung i a ummi thlarau nakin a ṭhawng deuh.