LUKA 11:1 - Lai (Hakha) Common Language Bible 2006

¹ Voi khat cu Jesuh kha kaa khat ah thla a cam. A thlacam cu a dih tikah a zultu pakhat nih aa thawh i, “Bawipa, Johan nih a zultu hna a cawnpiak hna bangin kannih zong thlacam kan cawnpiak ve,” tiah a ti.

Laibaibal Thiang (BSI)

¹ Hitihin a si, hmun pakhat ah thla a cam i a dih tikah lamkaltu lak i mi pakhat nih, “Bawipa, Johan nih a zultu hna kha thlacam a cawnpiak bantuk khan thlacam ning kan cawnpiak,” tiah a ti.

LUKA 11:1 ပူးပေါင်းရင်းမြစ်များ

SALM 10:17

Bawipa, minauta cu an thlacamnak kha na ngaihpiak hna i lungṭhawnnak na pek hna.

SALM 19:14

Ka kaa chung bia hna le ka lung chung ruahnak hna cu, nangmah cohlan awk tlak si ko hna seh, maw Bawipa, ka lungpi le ka tlantu.

LUKA 10:42

sihmanhsehlaw a herh taktakmi cu pakhat lawng a si ko. Mary nih ahmaanmi thil cu aa thim cang i cucu ahohmanh nih an chut lai lo,” tiah a ti.

LUKA 11:2

Jesuh nih cun, “Hitihin thla cu nan cam awk a si lai: ‘Kan Pa, Na min thiang cu upat si ko seh, Na Pennak cu tlung ko seh.

LUKA 6:12

Cu caan lioah cun ni khat cu tlang cungah thlacam awkah a kal i zan khuadei Pathian sinah thla a cam.

LUKA 7:13

Bawipa nih cun amah cu a hmuh tikah a zaang a fak ngaingai i, “Ṭap hlah,” tiah a ti.

LUKA 7:19

Bawipa sinah cun a hei thlah hna i, “ ‘Nangmah hi a ra lai timi cu na si maw; asiloah a dang dah kan orh rih lai?’ tiah va hal u,” a ti hna.

LUKA 9:18

Voi khat cu Jesuh kha amah lawng tein thla a cam lioah a zultu hna kha a sinah an ra i, “Mi nih aho a si an ka ti dah?” tiah a hal hna.

LUKA 9:28

Hi bia a chim hnu zarh khat tluk ah Jesuh nih Peter le Johan le Jeim kha thlacam awkah tlang ah aa kaipi hna.

HEBRU 5:7

Vawlei cung a um lioah, Jesuh nih thihnak in a khamh khotu Pathian sinah aihramnak le mitthli he thlacamnak le nawlnak kha a tuah. Amah cu a lung a nemmi le Pathian sinah aa pemi a si caah Pathian nih a theih.

JUDAS 1:20

Sihmanhsehlaw ka hawile hna, nannih cu a thiang bikmi nan zumhnak cungah khan fek chin lengmang in i sa chin lengmang ko u. Thiang Thlarau ṭhawnnak thawng khan thlacam u law