LUKA 10:42 - Lai (Hakha) Common Language Bible 2006

⁴² sihmanhsehlaw a herh taktakmi cu pakhat lawng a si ko. Mary nih ahmaanmi thil cu aa thim cang i cucu ahohmanh nih an chut lai lo,” tiah a ti.

Laibaibal Thiang (BSI)

⁴² Sihmanhsehlaw a herhmi cu pakhat lawng a si; cu a ṭhami cu Mary nih â thim cang, cucu a sinin lakpiak awk a si lai lo,” tiah a leh.

LUKA 10:42 ပူးပေါင်းရင်းမြစ်များ

SALM 119:111

Na nawlbia cu zungzal ka ro an si, ka lung a ka lawmhtertu an si.

SALM 119:173

Na nawlbia cu ka zulh hna caah a zungzal in ka bawm ko.

SALM 119:30

Na nawl zulh awkah ka lung kaa thlek cang; na phunglam kha ṭha tein ka ruat hna.

SALM 142:5

Bawipa, bawmhnak duh ah nangmah cu kan auh, Bawipa nangmah cu a ka hupphengtu na si; ka nun chungah hin ka duhmi le ka herhmi cu nangmah lawnglawng na si ko.

SALM 17:15

Kei tu nih cun ka sual lo caah na hmai kha ka hmuh lai i cun ka hun i hlauh tikah nangmah ka sin i na um caah lunglawmhnak in ka khat lai.

SALM 27:4

Bawipa cu thil pakhat ka hal, ka duhmi thil cu pakhat lawnglawng a si ko; cucu ka nun chung vialte Bawipa inn chung i um le a ṭhatnak kha khuaruahhar in zoh le amah kha lam ka hruai tuah tiin hal cu a si.

SALM 73:25

Vancung ah khin nangmah hlei in ahodah ka ngeih? Nangmah kan ngeih cang caah vawlei ah hin zeidah ka herhmi a um?

PHUNGCHIMTU 12:13

Hi thil vialte hna hnuah hin chim awk pakhat lawnglawng a um rih: Pathian cu ṭih law a nawlbia kha zul hna, zeicahtiah minung cu hi nawlbia hna tuah awk caah hin pei rak ser a si cu.

MARKA 8:36

Mi pakhatkhat nih vawlei hi a ning piin co seh law, a nunnak sung ṭung seh law, zeital a miak hnga maw? Miak hlah!

LUKA 10:39

Nau pakhat a ngei i a min cu Mary a si. Mary cu Bawipa ke hram ah cun a ṭhu i a cawnpiaknak kha a ngai.

LUKA 11:1

Voi khat cu Jesuh kha kaa khat ah thla a cam. A thlacam cu a dih tikah a zultu pakhat nih aa thawh i, “Bawipa, Johan nih a zultu hna a cawnpiak hna bangin kannih zong thlacam kan cawnpiak ve,” tiah a ti.

LUKA 12:20

Sihmanhsehlaw Pathian nih a thawh i, ‘Mihrutpa, tuzan hrimhrim ah hin na nunnak cu an in lakpiak a hau lai; cucaah nangmah ca i na khonmi thilri vialte hi aho nih dah a co kun lai?’ a ti,” tiah a ti.

LUKA 12:33

Nan ngeihmi thil kha zuar hna u law tangka cu mi kha ṭhen hna u. A ṭet kho lomi phaisa bawm kha i zalh u law vancung ah nan ro kha khong hna u, khika ah cun mifir nih an fir kho hna lo i rungrul nih an ei khawh hna lo caah a zor lei an panh bal lai lo.

LUKA 16:2

Amah cu a kawh i, ‘Nangmah kong i ka theihmi hi zeidah a si? Ka thilri na tuahtonak cazin kha tlamtling tein ka pe tuah, zeicahtiah ka thil zohkhenhtu na si kho ti lo,’ tiah a ti.

LUKA 16:25

Sihmanhsehlaw Abraham nih a thawh i, “Ka fapa, na nun lioah khan thil ṭha phun kip kha pek na si i Lazaruh nih khan thil ṭhalo vialte a co kha philh hlah ngat; sihmanhsehlaw atu cu anih cu nuam tein a um i nang cu nganfak ngaiin na um.

LUKA 18:22

Hi bia cu Jesuh nih a theih tikah, “Pakhat te na bau kun. Na ngeihmi vialte kha va zuar law tangka cu sifakmi kha va ṭhen hna, cun vancung khua ah chawva na ngei lai; cun ra law ka zul,” tiah a ti.

LUKA 8:18

“Cucaah nan ngaihning kha i ralring u; zeicahtiah a ngeimi kha chap chin an si lai i a ngei lomi kha ka ngeih tiah an i ruahmi thil tlawmte hmanh kha lakpiak an si lai,” tiah a ti.

JOHAN 11:1

Bethani khua i a ummi Lazaruh cu a zaw. Bethani cu Mary le a u Martha an umnak khua kha a si.

JOHAN 11:19

Judah mi mi tampi kha an ṭa a thih ca i anmah ṭhutpi awkah khan an ra.

JOHAN 12:3

Cun Mary nih a man a sung ngaingaimi zihmui phun ṭha ngaimi kha a rak i put i Jesuh ke ah khan a toih i a sam in a hnawh hna. Inn cu zihmui rim thaw cun a khat dih.

JOHAN 17:3

Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si.

JOHAN 4:14

sihmanhsehlaw keimah nih ka pekmi ti a dingmi paoh cu zeitikhmanh ah an ti a hal ṭhan ti lai lo. Ka pekmi ti cu a chungah zungzal nunnak petu cerhtiput ah a cang lai,” tiah a ti.

JOHAN 5:24

“Biatak kan chimh hna: ka bia a thei i a ka thlahtu kha a zummi paoh cu zungzal nunnak a ngei. Amah cu biaceihnak a ing lai lo, sihmanhsehlaw thihnak in nunnak ah a lan cang.

JOHAN 6:27

Hi a rawk khomi rawl caah hin ṭuan hlah ngat u, a hmunmi rawl, zungzal nunnak rawl caah ta nan ṭuan. Hi rawl cu Mi Fapa nih hin kan pek hna lai, zeicahtiah Pa a simi Pathian nih keimah cungah hin a lungsinak kha a khenh cang,” tiah a ti.

1 KORIN 13:3

Ka ngeihmi thil vialte, mi ka hei ṭhenh dih ko hna hnga, cun ka pum hmanh khangh awkah ka vaa pe ko hnga, sihmanhsehlaw dawtnak ka ngeih lo ahcun ka caah ṭhathnemnak zeihmanh a um lo.

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

DEUTERONOMI 30:19

Nannih hmaiah nunnak le thihnak, thluachuahnak le chiatserhnak ka chiah kha a hngaltu ah nihin ah van le vawlei kha ka kawh hna. Cucaah nunnak kha i thim tuah u, nanmah le nan tefa hna nih nan nun nakhnga —

JOSHUA 24:15

Cun Bawipa biak kha nan duh lo a si ahcun nihin ni ah hin nan biak ding cu i thim u; Tiva khattelei ral ram ah nan pupa hna nih an biakmi pathian hna maw, asiloah, an ram nan umnak a simi Amor mi pathian hna dah nan i thim lai; kei le kan innchungkhar tu nih cun Bawipa kha kan biak ko lai,” tiah a ti

JOSHUA 24:22

Cun Joshua nih mizapi cu, “Bawipa kha biak awkah nan i thim cang ti biahngaltu cu nanmah lila kha nan si,” a ti hna. Cun annih nih, “Biahngaltu cu kanmah hi kan si,” an ti.