LUKA 10:33 - Lai (Hakha) Common Language Bible 2006

³³ Sihmanhsehlaw Samaria mipa pakhat, cuka lei lam i khual a tlawngmi cu, cu pa umnak kha a va phan; amah kha a hmuh tikah a zaang a fak ngaingai.

Laibaibal Thiang (BSI)

³³ Asinain Samariah mi khual tlawng pakhat kha cu hmun cu a phân i a hmuh tikah a zângfah ngaingai.

LUKA 10:33 ပူးပေါင်းရင်းမြစ်များ

1 SIANGPAHRANG 8:50

nangmah cungah a sualmi cu ngaithiam hna law nangmah cungah an palhnak vialte cu ngaithiam ko hna; cun sal ah a kalpitu hna nih khan an cungah zaangfahnak an ngeih nakhnga an hmuh hngan ah cun annih cu zaangfahnak pe ko hna,

EXODUS 2:6

Faro fanu nih cun a vun hun i a chungah ngakchiapate pakhat cu a rak um i cu ngakchiapa cu a hung ṭap. A zaang a fak ngaingai i, “Mah hi ngakchiate hi Hebru mi hna ngakchia pakhat a si ko lai,” tiah a ti.

PHUNGTHLÛKBIA 27:10

Na hawikom siseh, na pa hawikom siseh, hlaw hna hlah; na vanchiat ni ah na unaupa kha bawmh hal hlah, lam hlat i a ummi unau nakin lamnai i a ummi innpa nih an bawmh khawh deuh lai.

MATTHAI 10:5

Jesuh nih mi pahleihnih kha a thlah hna i, “Jentail mi ram ah siseh, Samaria mi hna khua ah siseh, va kal hlah u.

MATTHAI 18:33

Na cung i zaangfahnak ka ngeih bantukin pei na sal hawi cungah na ngeih ve awk a si cu,’ tiah a ti.

LUKA 10:32

Cu bantuk ṭhiamṭhiam in Levi mi pakhat zong cuka ah cun a va kal ve, mipa cu a hei kalhnawh i a hei bih tak i khattelei kam cun a kaltak ve.

LUKA 10:34

A hei fuh i a hma ah cun chiti le mitsur hang kha a thuh hna i a men hna; cun mipa cu a saṭil cungah khan a chuan i khual riahnak inn pakhat ah a kalpi i cuka ah cun a zohkhenh.

LUKA 7:13

Bawipa nih cun amah cu a hmuh tikah a zaang a fak ngaingai i, “Ṭap hlah,” tiah a ti.

JOHAN 4:9

Minu nih cun, “Nang cu Judah mi na si i kei cu Samaria mi ka si, zeitindah ti din awk na ka hal khawh?” tiah a leh. (Judah mi nih cun Samaria mi i an hmanmi khokheng kha hman an duh lo).

JOHAN 8:48

Judah mi nih khan Jesuh cu an leh i, “Nang cu Samaria mi na si i, ‘Na chungah khuachia aa hrolh,’ kan rak in ti kha kan hmaan ngaingai a si lo mei?” an ti.