LUKA 10:28 - Lai (Hakha) Common Language Bible 2006

²⁸ Jesuh nih cun, “Na bialehnak ahmaan; cucu va tuah law na nung lai,” tiah a ti.

Laibaibal Thiang (BSI)

²⁸ Anih nih, “Na lehmi a dik, cubantuk in tuah law na nung lai,” tiah a ti.

LUKA 10:28 ပူးပေါင်းရင်းမြစ်များ

NEHEMIAH 9:29

Cun na phungbia leiah khan merter awkah ralrinnak na pek hna. Sihmanhsehlaw porhlawt ngaiin thil an tuah i na nawlbia kha an ngai lo; na phunglam zulhnak thawngin nunnak a simi na phunglam tu kha an buar hna i an liang kha an i ṭhawnter i an hngawng kha an i rengh i na nawl ngaih kha an duh lo.

PHUNGTHLÛKBIA 19:16

Nawlbia kha zul hna law sau deuh na nung lai, zeirello in um hna law na thi lai.

EZEKIEL 20:11

Khika ah annih cu ka nawlbia kha ka pek hna i ka phunglam kha ka cawnpiak hna, annih nih zul hna seh law nung hna seh tiah.

EZEKIEL 20:13

Sihmanhsehlaw Israel mi nih cun ramlak ah khan an ka doh; ka nawlbia kha an zul duh hna lo, ka phunglam kha an hlawt hna, zul hna seh law an nunnak ding a si nain; cun ka sabbath kha an buar hna. Cucaah ramlak ah khan ka thinhunnak cu ka bunghhnawh ko hna lai i ka hrawh ko hna lai dahra maw tiah ka ruah ṭhan.

EZEKIEL 20:21

“Sihmanhsehlaw an fapale hna zong nih cun an ka doh ṭhiamṭhiam. Ka nawlbia kha an zul hna lo i ka phunglam kha an tuah hna lo, pakhatkhat nih rak tuah hna seh law cu, cu thawng cun nunnak an hei hmuh ṭung hnga, ka sabbath kha an buar fawn hna. Cu tikah ramlak ah cun ka thinhun ka chuahhnawh hna lai i ka thinlinh ka hlinh ko hna lai dahra maw, tiah ka ruah ṭhan.

LEVITIKAS 18:5

Cucaah nannih nih ka nawlbia le ka phunglam kha nan ulh hna lai, cu tuahnak thawngin mi nih an nung lai: keimah hi Bawipa cu ka si.

MATTHAI 19:17

Jesuh nih cun, “Zeicahdah ‘zei thil ṭha dah,’ timi cu na ka hal? A ṭhami cu pakhat lawng pei a um ko cu. Nunnak chung i luh na duh ahcun nawlbia kha tah na zulh ko hna,” tiah a leh.

MARKA 12:34

Jesuh nih a bialehnak cu a ṭha ngai ti kha a hmuh i, “Pathian Pennak in naa hlat lo,” tiah cu pa cu a ti. Hi hnuah hin cun ahohmanh nih Jesuh kha bia an hal ngam ti lo.

LUKA 7:43

Simon nih cun a thawh i, “Ka ruahnak ah, tam deuh a ngaihthiammi nih khan ta a dawt deuh lai,” tiah a leh. “Na hmaan,” tiah Jesuh nih a ti.

ROM 10:4

Zeicahtiah Khrih nih Nawlbia cu a donghnak a phakter cang i cucaah a zummi paoh nih cun Pathian he remnak kha an hmuh.

ROM 3:19

Nawlbia chung bia cu Nawlbia tang i a ummi hna caah khan a si ti kha kan hngalh; cu tiin a sinak cu mi nih silhnalh khawhnak zeihmanh an ngeih khawh nakhnga lo le vawlei cu a ningpi in Pathian biaceihnak hmai i a dir ding a si kha a langh nakhnga caah a si.

ROM 7:10

Cun nunnak chuahpitu ding i ruahmi nawlbia cu ka caah thihnak chuahpitu lehlam a si.

GALATI 3:12

Sihmanhsehlaw Nawlbia le zumhnak cu an kalning aa dang ko; Cathiang nih, “Nawlbia nih tuah awk a si a timi paohpaoh a tuah dihmi cu, cu a tuahnak thawng cun a nung lai,” a ti ve taktak.

DEUTERONOMI 6:24

Cun kannih cu, nihin i a si bang hin, nungdam in a kan zuah nakhnga, Bawipa nih hi nawlbia vialte cu tuah awkah, Bawipa kan Pathian cu ṭih awkah nawl a kan pek, kan ca ṭhatnak caah a si zungzal.