LUKA 10:16 - Lai (Hakha) Common Language Bible 2006

¹⁶ A zultu kha a thawh hna i, “Nan bia a ngaimi paoh nih ka bia an ngaih a si, an hlawmi hna paoh nih keimah an ka hlawt a si, keimah a ka hlawmi paoh nih a ka thlahtu kha an hlawt a si,” tiah a ti.

Laibaibal Thiang (BSI)

¹⁶ Nanbia a ngaitu cu Keimah bia ngaitu a si, nannih an in hlawt hna ahcun Keimah an ka hlawt a si, Kei aka hlawtu cu aka thlahtu a hlawtu an si,” tiah a ti.

LUKA 10:16 ပူးပေါင်းရင်းမြစ်များ

EXODUS 16:7

zinglei ah Bawipa sunparnak kha nan hmuh lai. Amah cung i nan phunhrannak kha a theih. Asi, nan phunhran kha amah cung i nan phunhran a si, zeicahtiah kannih cu phunhranhnawh awk tlak kan si ṭung lo,” an ti hna.

EXODUS 16:8

Cun Moses nih aa thawh i, “Zanlei ah ei awk sa an petu hna le zinglei ah nan duh tawk in ei awk rawl an petu hna cu Bawipa a si lai, zeicahtiah a cung i nan phunnak le nan zainak liangluang kha a theih. Nan kan zaihnawh len ko cu, zaihnawh awk tlak kan si maw? Nan kan zaihnawh cu Bawipa cung i nan zai pei a si cu,” a ti hna.

MALAKHI 1:6

Fa nih a pa kha a upat i sal nih a bawi kha a ṭih. Pa ka si ahcun khuazei ah dah nan ka upatnak cu a si kun? Bawi ka si ahcun khuazei ah dah nan ka ṭihnak cu a si kun? Cuticun ralkapbu Bawipa nih ka min zei i a rel lomi nannih tlangbawi cu kan ti hna.

NAMBAR 14:11

Bawipa nih Moses cu, “Mah mi hna nih hin zei can dah an ka zawmhtaih lai? Cun zei can dah zum loin an ka um lai, anmah lak i hmelchunhnak mah vialte ka tuah ko ṭung?

NAMBAR 14:2

Cun Israel mi vialte nih Moses le Aaron cu an zaihnawh hna; an bu ningin annih sinah, “Izipt ram ah khan rak thi u si law, a ṭha deuh hnga! Asiloah ramcar chungah hin hei thi dih ko u si law, a ṭha deuh hnga!

NAMBAR 16:11

Cucaah nangmah le na hawile vialte nih nan pumhhnawhmi cu Bawipa pei a si tiah; Aaron cu mi zeidah a si, a cung i nan phunzai hi?” tiah a ti.

MATTHAI 10:40

“Nannih an conglawmhtu hna paoh nih keimah an ka conglawmh a si i keimah a ka conglawmhtu paoh nih a ka thlahtu a conglawmh a si.

MATTHAI 18:5

Cun ngakchia hi bantuk pakhatkhat kha ka min in nan conglawmh hna ahcun, keimah nan ka conglawmh a si.”

MARKA 9:37

“Ka min in hi bantuk ngakchia pakhat khat a cohlangmi paoh cu keimah a ka cohlan a si; cun keimah a ka cohlangmi paoh cu keimah lawng kha a ka cohlan si loin a ka thlahtu zong kha a cohlan a si,” tiah a ti hna.

LUKA 9:48

annih cu, “Ka min in hi ngakchiate tluninn a onhtu nih keimah tluninn a ka onh a si, cun keimah tluninn a ka onhtu nih keimah a ka thlahtu tluninn a onh kha a si. Zeicahtiah nan lak i a hme bikmi cu a ngan bikmi a si,” tiah a ti.

JOHAN 12:44

Jesuh nih aw thangpi in, “Keimah a ka zummi paoh nih cun keimah lawng kha a ka zumh si loin keimah a ka thlahtu kha a zumh ve a si.

JOHAN 12:48

Keimah kha a ka hlaw i ka bia a cohlang duh lomi cu a bia ceihtu ding a um ko. Ka chimmi ka bia hi ni hmanung bik ni ah cun a bia a ceihtu cu a si te lai.

JOHAN 13:20

Biatak kan chimh hna: Rian ka fialmi tluninn a rak onhtu paoh nih keimah an ka onh a si, keimah tluninn a ka onhtu paoh nih a ka thlahtu tluninn a onh a si,” tiah a ti.

LAMKALTU 5:4

Na thil cu na zuarh hlanah khan nangmah ta a si, cun na zuarh hnu zongah khan a man cu nangmah ta a si ṭhiamṭhiam ko. A si kun ahcun, zeicahdah cu bantuk thil tuah awkah cun na lung chungin na rak ruah? Minung sinah lih na chim a si ṭung lo, Pathian sinah pei lih na chim a si cu,” tiah a ti.

GALATI 4:14

Sihmanhsehlaw zeirello in nan rak ka um lo i a dawnh zong nan rak ka dawn lo. Ka pumsa umtuning kha nan caah thil har a rak si nain Pathian vancungmi bantukin nan rak ka cohlan; Khrih Jesuh bantukin nan rak ka cohlan.

1THESALON 4:8

Cucaah hi cawnpiaknak zulh a duh lomi cu, minung cawnpiaknak zulh a duh lo si loin, Thiang Thlarau an petu hna Pathian cawnpiaknak zulh a duh lo kha a si deuh.