LUKA 10:1 - Lai (Hakha) Common Language Bible 2006

¹ Cu hnuah cun Bawipa nih a dang sawm sarih le pahnih kha a thim hna i amah a kalnak ding khua le hmun paoh ah khan a hmaiah pahnih pahnih in a thlah hna.

Laibaibal Thiang (BSI)

¹ Cu thil hna hnu ah Bawipa nih midang sawmsarih a ruah hna i kal a timhnâk hmunah mi pahnih cio in rakkal hmasa dingin a fial hna.

LUKA 10:1 ပူးပေါင်းရင်းမြစ်များ

EZEKIEL 8:11

An hmaiah cun Israel mi upa sawm sarih an dir i an laifang ah cun Safan fapa Jaazaniah kha a dir, pakhat nih zihmui kheng pakhat cio an i put i cu kheng chung cun rimhmui khu an chuak.

NAMBAR 11:16

Cun Bawipa nih Moses sinah cun, “Israel upa hna lakin pa sawm sarih, nangmah nih mi hna cung i upa le bawi an si ti i na hngalhmi cu ka sinah ratpi tuah hna; cun tonnak thlam ah ratpi hna law, khika ah nangmah sinah dirter hna.

LUKA 1:17

Amah cu Pathian thlahmi lamkaltu a si lai i profet Elijah bantukin a fekmi le a ṭhawngmi a si lai. Pale hna le fale hna kha hmunkhat ah a fonh ṭhan hna lai i nawl a ngai lomi hna kha miding mi hna ruahnak lam leiah a hruai ṭhan hna lai. Bawipa mi hna cu Bawipa ca i aa tlakmi minung si awkah a rak timh hna lai,” tiah a ti.

LUKA 1:76

Nang, ka fa, nangmah hi Cungnung Bik Pathian profet tiah ti na si lai; Amah lam kha rak sersiam chung awkah Bawipa hmaiah cun na rak kal chung lai.

LUKA 7:13

Bawipa nih cun amah cu a hmuh tikah a zaang a fak ngaingai i, “Ṭap hlah,” tiah a ti.

LUKA 7:19

Bawipa sinah cun a hei thlah hna i, “ ‘Nangmah hi a ra lai timi cu na si maw; asiloah a dang dah kan orh rih lai?’ tiah va hal u,” a ti hna.

LUKA 9:52

A hmaiah khan lamkal a thlah hna i cu hna cu an rak kal i Samaria mi hna khua pakhat ah khan zeizong vialte rak timh chung awkah an rak lut.