LUKA 1:8 - Lai (Hakha) Common Language Bible 2006

⁸ Ni khat cu Zekhariah kha, nifate an rianṭuannak ah a caan a hung phan ve i Pathian hmaiah khan tlangbawi rian cu a ṭuan.

Laibaibal Thiang (BSI)

⁸ Cuticun an phu chung i an tuah tawn bangin Pathian hmai i tlângbawi rian a ṭuan lio ah,

LUKA 1:8 ပူးပေါင်းရင်းမြစ်များ

1 CHANRELNAK 24:19

Bawipa Israel Pathian nih nawl a pek bangin an pa Aaron nih an caah rianṭuan ningcang a rak chiahpiakmi hna ning khan, hi hna nih hin Bawipa inn chung i luh cu an rianṭuannak chung i thiahmi rian ah khan an i ngeih.

1 CHANRELNAK 24:2

Sihmanhsehlaw Nadab le Abihud cu an pa hlanah an thi i fa an ngei lo cucaah Eleazar le Ithamar cu tlangbawi an cang.

2 CHANRELNAK 11:14

Levi mi hna nih an i hrawmmi ram hna le an thilri kha an kaltak hna, zeicahtiah Jeroboam le a fapale hna nih khan Bawipa tlangbawi rian an ṭuannak khan an dawi hna i

2 CHANRELNAK 31:19

Cun Aaron fapa hna, tlangbawi hna, an khua ta a si mizapi ram i a ummi hna caah khan, tlangbawi lak i pa paohpaoh le Levi mi paohpaoh minthlakmi hna kha an covo a phawtu dingah, min in thiahmi kha khua chung hna ah khan an um.

2 CHANRELNAK 31:2

Cun Hezekiah nih tlangbawi hna le Levi mi hna kha a phuphu in a ṭhen hna, a phuphu in an rianṭuanning cio khan Levi mi hna le tlangbawi hna cu khangh thawinak ca le daihnak thawinak ca le Bawipa riahhmun kutka i rianṭuantu ding hna le lawmhnak le thangṭhatnak petu hna tiin a chiah hna.

2 CHANRELNAK 8:14

A pa David nih a rak chiahmi phunglam ning khan, tlangbawi hna cu an rian cio caah khan a bubu in a thiah hna i ni fate rian nih a hlam cio ning khan Levi mi hna cu tlangbawi hna hmai i thangṭhatnak rian le rianṭuannak an tuah awk a simi ah khan a thiah fawn hna, cun kutka cawngtu pawl zong kha kutka hna caah khan an bubu in a thiah hna; zeitintiah cuticun Pathian mi David nawl pekning cu a si.

EZRA 6:18

cun Moses cauk chungah aa ṭial bangkhan, tlangbawi hna cu an i cheu ningin, Levi mi hna cu an phu an phu in, Jerusalem i Pathian rianṭuan awkah khan an thiah hna.

EXODUS 28:1

“Na u Aaron le a fapa hna kha Israel mi chungin ka sinah ratpi hna, Aaron le a fapa Nadab, Abihu, Eleazar le Ithamar cu ka tlangbawi rian a ṭuantu ding an si.

EXODUS 28:41

Hi thuam hi na u Aaron le a fapa hna cu na hrukter hna lai. Cun chiti na toih hna lai, na thleidan hna lai i na thianter hna lai, cun ka tlangbawi rian kha an ṭuan lai.

EXODUS 29:1

“Aaron le a fapa hna cu ka tlangbawi rian ṭuan awk i nan thleidan hna tikah hitihin nan tuah lai. Cawtum no pakhat le tuukawng pahnih, do a tlami kha nan lak hna lai i

EXODUS 29:44

Pumhnak thlam le biakṭheng kha thil zarh ah ka ser hna lai i Aaron le a fapa hna cu ka tlangbawi rian ṭuan awkah ka thianter hna lai.

EXODUS 29:9

taisawm kha na somh hna lai; cun an lu ah luchin kha na chinh hna lai. Zungzal a hmunmi ka nawlbia ningin annih cu tlangbawi an si lai. Aaron le a fapa hna na thianter hna ning cu hi bangin a si lai.

EXODUS 30:30

Cun Aaron le a fapa hna kha chiti cu na thuh hna lai i ka tlangbawi rian ṭuan awkah thianh an si lai.

NAMBAR 18:7

Cun nangmah le na fale hna nih biakṭheng le puanzar chung i a ummi thil he aa pehtlaimi vialte ah nan tlangbawi rian cu nan ṭuan lai; nannih nih nan bultawi lai. Nan tlangbawi rian hi laksawng ah kan pek hna; midang ahohmanh a pawngah a rami paoh cu thah a si lai,” tiah a ti.

LUKA 1:5

Herod kha Judea Siangpahrang a si lioah, Abijah tlangbawi phu chungah aa telmi tlangbawi pakhat a min Zekhariah an timi kha a rak um. A nupi min cu Elizabeth a si i amah zong cu tlangbawi hrinthlak a si ve.

LUKA 1:7

Elizabeth cu a cin caah fa pakhat hmanh an ngei lo. An pahnih in an tar ngaingai cang.