LUKA 1:71 - Lai (Hakha) Common Language Bible 2006

⁷¹ ‘Kan ral hna kut chungin le kanmah a kan huatu vialte hna sin khan, khamh awkah bia a kan kam.

Laibaibal Thiang (BSI)

⁷¹ Kan ral hna le a kan huatu vialte hna chungin kan himnâk dingah.

LUKA 1:71 ပူးပေါင်းရင်းမြစ်များ

2 SIANGPAHRANG 17:39

sihmanhsehlaw nan Pathian cu nan ṭih lai i nan ral vialte hna kut chungin an chuahter hna lai,” tiah a ti.

SALM 106:10

A huatu hna kut chung khan a khamh hna i an ral kut chung khan a chuah hna.

SALM 106:47

Maw Bawipa, kan Pathian, kan khamh tuah, miphun tampi lak i kan i ṭheknak in kan khawm ṭhan law na min thiang kha kan thangṭhat lai i nangmah lawmhnak bia chim in kan i lawm lai.

JEREMIAH 23:6

Amah chan ah cun Judah cu him tein khua a sa lai i Israel cu hnahnawh lo tein a um lai. Amah a min cu, Bawipa cu kan Dinnak a si, ti a si lai.

JEREMIAH 32:37

Ka thin hun le ka thin linh le ka thin han in ka dawinak hna ram vialte chung khan ka pumh ṭhan hna lai i hi hmun ah hin ka ratpi ṭhan hna lai i ahohmanh nih hnahnawh lo tein ka umter hna lai.

EZEKIEL 28:26

Khika ah khan lungdai tein an um lai i inn an sak hna lai i mitsur dum an ser hna lai; annih a nihsawhtu hna an pawngkam i a ummi hna cungah khan biaceihnak ka tuah tikah, annih cu lungdai tein an um lai. Cuticun keimah cu Bawipa an Pathian ka si kha an hngalh lai.

EZEKIEL 34:25

Annih kha rumnak pek awkah anmah he biakamnak ka tuah lai; ram chungin sahrang kha ka ṭhawl dih hna lai i saṭil tlonnak hmun ah khan lungdai tein an um lai i tu chungah khan an it lai.

EZEKIEL 34:28

Ramdangmi hna nih an hrawk ti hna lai lo i sahrang zong nih a seh ti hna lai lo; ahohmanh nih hnahnawh ti loin lungdai tein an um lai.

EZEKIEL 38:8

Ni tampi hnuah auh na si te lai; hmailei kum tampi hnuah khin, a rawk i remh ṭhanmi ram ah cun na lut ṭhan lai, cu ram cu a mi hna miphun tampi hna lakin kum saupi a ṭiao cangmi Israel ram tlang cung i pumh ṭhan a simi ram cu a si. Miphun hna lakin chuahpimi Israel mi hna cu ahohmanh nih hnahnawh lo tein khua an sa lai;

LUKA 1:68

“Bawipa, Israel Pathian cu thangṭhat u sih. A mi hna bawmh awkah a ra cang i a luatter cang hna.

DEUTERONOMI 33:29

Maw, Israel, na van a ṭha ko! Nangmah bantuk ahodah a um? Bawipa nih a khamhmi na si, Amah cu an hupphengtu phaw le teinak vainam a si! Na ral hna cu na hmaiah bawk in an ra lai i An khuahrum bo hna cu na lamh hna lai,” tiah a ti.

1JOHAN 3:8

cun sualnak a tuahmi paoh cu Khuachia fa a si ko, zeicahtiah Khuachia cu a hramthawk tein a rak sualmi a si. Pathian Fapa a hung langhnak cu Khuachia rianṭuannak hrawh awkah hin a si.