LUKA 1:68 - Lai (Hakha) Common Language Bible 2006

⁶⁸ “Bawipa, Israel Pathian cu thangṭhat u sih. A mi hna bawmh awkah a ra cang i a luatter cang hna.

Laibaibal Thiang (BSI)

⁶⁸ Bawipa Israel Pathian cu thangṭhat in um ko seh, zeitintiah a mile a veh i a tlanh hna.

LUKA 1:68 ပူးပေါင်းရင်းမြစ်များ

GENESIS 14:20

Na ral an teitertu Cung Nung Bik Pathian cu thangṭhat si ko seh,” a ti. Cun Abram nih hranchaw a lakmi vialte cheuhra cheukhat a pek.

GENESIS 24:27

Cun aa thawh i, “Ka bawipa Abraham i a Pathian, ka bawipa sin i a biakam let lo tein a ummi cu thangṭhat si ko seh. Bawipa nih ka bawipa i a unau inn ah ding tein a ka hruai ko,” tiah a ti.

GENESIS 9:26

Cun aa thawh ṭhan i, “Shem Pathian Bawipa cu thangṭhat ko u. Kanaan cu Shem sal a si lai.

1 SIANGPAHRANG 1:48

Cun siangpahrang nih cun, ‘Keimah mit hmuh hrimhrim ah, ka bawi ṭhutdan cung i keimah tefa pakhat a ṭhuttertu Bawipa, Israel Pathian cu thangṭhat si ko seh’ ti zongah a ti fawn,” tiah a ti.

1 SIANGPAHRANG 8:15

Cun aa thawh i, “Ka pa David sinah, ‘Ka mi Israel mi hna cu Izipt ram in ka chuahpi hna ni thawk in, Israel mi hna phun chung i khua zeihmanh kha, ka min umnak ding i inn saknak caah, ka thim lo;

1 CHANRELNAK 29:10

Cucaah David nih Bawipa cu aa pummi vialte hmaiah cun a thangṭhat i David nih cun, “Maw Bawipa, kan pu Israel i Pathian, nangmah cu zungzal thluangthluan in thangṭhat na si ko.

1 CHANRELNAK 29:20

Cun David nih aa pummi vialte hna cu, “Bawipa, nan Pathian cu thangṭhat ko u,” tiah a ti hna. Cun aa pummi vialte nih Bawipa, an pupa hna Pathian cu an thangṭhat i an lu an khun i Bawipa cu an biak i siangpahrang cu hmaizahnak an pek.

SALM 106:48

Bawipa Israel Pathian cu thangṭhat u sih; atu ah thangṭhat u sih law

SALM 111:9

A mi cu khamhnak a pek hna i zungzal hmunmi biakamnak kha an sinah a ser. Amah cu a thiang i a ṭhawngmi a si.

SALM 130:8

A mi Israel mi vialte kha an sualnak chungin a khamh hna lai.

SALM 41:13

Bawipa, Israel Pathian cu thangṭhat u sih! Atu le a zungzal in thangṭhat u sih? Amen! Amen!

EXODUS 4:31

Mizapi nih cun an zumh i Bawipa cu kan sinah a ra i retheihnak kan inmi kha a hmuh ti kha an hngalh tikah an kun i an biak.

LUKA 1:71

‘Kan ral hna kut chungin le kanmah a kan huatu vialte hna sin khan, khamh awkah bia a kan kam.

LUKA 19:44

Nangmah le na vampang kulh chung i a ummi minung hna cu an in hrawh dih cikcek hna lai: Pathian cu nangmah khamh awkah a rat caan kha na hngalh lo caah cuka hmun ah cun aa chonhmi lung pakhat hmanh leh loin an kaltakmi a um lai lo.”

LUKA 2:38

Amah zong cu, cu caan te ah cun a ra ve i Pathian cu a thangṭhat i Pathian nih Jerusalem cu a tlanh ṭhan lai tiah a hngakmi vialte hna sinah khan ngakchiapa kong kha a chim.

LUKA 24:21

Kannih nih cun amah cu Israel mi hna a luattertu a si rua lai tiah kan rak i ruahchan. Cu pinah cun, cu thil a umnak hi atu hi a ni thumnak a si.

LUKA 7:16

An dihlak in ṭihnak in an khat i Pathian kha an thangṭhat. “Kan lakah profet nganmi a chuak cang i Pathian nih a mi hna khamh awkah a ra cang,” an ti.

EFESA 1:3

Kan Bawipa Jesuh Khrih i a Pa le a Pathian cu lawm ko u sih. Zeicahtiah Khrih he kan i pehtlaihnak thawngin kannih cu vancung ram ah hin thlarau laksawng phun kip kha a kan pek.

EFESA 1:7

Khrih thihnak nih kannih cu a kan luatter, cucu kan sualnak kha ngaihthiam kan si tinak a si. Pathian vel cu a va lianngan hringhran dah.

HEBRU 9:12

Khrih nih thlam chung khan a va kal i voi khat ah zungzal ca za dingin Hmun Thiang Bik chungah a va luh tikah, raithawinak i pekchanh awkah cawfa thi siseh, meheh thi siseh, aa put lo, amah thi thengte kha aa put i khamhnak kha a kan serpiak.

1 PETER 1:3

Kan Bawipa Jesuh Khrih i a Pathian le a Pa cu lawm ko u sih. Zeicahtiah a zaangfahnak a nganmi ruangah kannih cu Jesuh Khrih thihnak in a thawhternak khan, nunnak thar a kan pek. Cucaah kannih cu zumhnak nung in kan khat i

1 SAMUEL 25:32

Cun David nih Abigail cu a thawh i, “Bawipa, Israel Pathian, nihin i keimah ton awkah nangmah an thlahtu hi thangṭhat si ko seh!