LUKA 1:66 - Lai (Hakha) Common Language Bible 2006

⁶⁶ A theimi paoh kha an lung a suk hna i. “Hi fa hi zei ko dah a can te lai?” tiah an ti cio. Zeicahtiah Bawipa ṭhawnnak cu a cung i a um kha a fiang ko.

Laibaibal Thiang (BSI)

⁶⁶ Cu kong a theitu hna nih an lungthin ah an riahter i zeibantuk minung dah hi hngakchia hi a si te lai? tiah an ti. Cun Bawipa kut nih a umpi.

LUKA 1:66 ပူးပေါင်းရင်းမြစ်များ

GENESIS 37:11

Josef cu a unau pawl nih khan cun an nahchuah ngaingai, sihmanhsehlaw a pa nih cun thil vialte kha a lung chungin a ruah lengmang.

GENESIS 39:2

Bawipa nih Josef cu a umpi i a caah thil kalning a tluang dih ko. A bawipa Izipt mipa inn ah cun a um.

1 SIANGPAHRANG 18:46

Cun Bawipa kut cu Elijah cungah khan a um i a biar aa rengh i Ahab hlanah Jezreel luhnak kutka ah khan a rak tli.

SALM 119:11

Nangmah cungah sualnak ka tuah nakhnga lo na nawlbia cu ka lung chungah kaa chiah.

SALM 80:17

Nangmah nih na thimmi miphun cu kan huppheng law kan zohkhenh ko, nangmah nih hi tluk ṭhawng in na ṭhantermi miphun cu kan zohkhenh ko!

SALM 89:21

Ka thazang cu a sinah a um zungzal lai i ka ṭhawnnak nih a ṭhawnter lai.

LUKA 1:80

Ngakchia cu a hung ṭhang i thlarau in a ṭhawngmi a si; Israel mi zapi sinah a hun i langh hlantiang, thetse ram ah cun a um.

LUKA 2:19

Mary nih hi thil vialte hi aa cinken hna i thuk piin a ruah hna.

LUKA 2:40

Ngakchia cu a hung ṭhang i a hung ṭhawng; fimnak in a khat i Pathian thluachuahnak kha a cungah a um.

LUKA 2:51

Cuticun Jesuh cu an sinah Nazareth khua ah khan a kir i a nu le a pa kut tangah nawl ngai tein a um: Hi thil vialte hi a nu nih a lung chungah aa ken dih.

LUKA 9:44

“Kan chimh dingmi hna hi philh hlah u. Mi Fapa hi minung ṭhawnnak ah chanh a si lai,” tiah a ti.

LAMKALTU 11:21

Bawipa ṭhawnnak kha an sinah a um i mi tampi nih an zumh i Bawipa leiah khan an i mer.

KOLOSE 1:5

Biahmaan taktak, Thawngṭha Bia kha, nan sin a phak terte ah khan, ruahchannak zeidah an pek hna ti cu nanmah nih nan hngalh. Cuticun nan zumhnak le dawtnak nan ngeihmi cu vancung i nan ca i chiahmi ruahchannak cungah an hram cu a dir.

1 SAMUEL 16:18

Tlangval pakhat nih khan a hun leh i, “Zohhmanh, Bethlehem khuami Jesse fapa pakhat, tingtang tum a thiammi, mi ralṭha, raldoh thiammi, biachim holh rel i a fimmi, mui dawh ngai, ka hmuh; cun Bawipa cu amah sinah a um,” tiah a ti.

1 SAMUEL 2:18

Asinain Samuel cu ngakchia si hmanh seh law Bawipa hmaiah la hmang ṭhia tlangbawi angki i aih in rian a ṭuan.