LUKA 1:65 - Lai (Hakha) Common Language Bible 2006

⁶⁵ A innpa hna cu an khuaruah a har i hi thil kong cu Judea ram tlang cung vialte ah khan a thang dih.

Laibaibal Thiang (BSI)

⁶⁵ Cuticun pawngkam mi vialte cungah ṭihnâk a tlung. Cu kong cu Judia ram mi vialte nih an ceih.

LUKA 1:65 ပူးပေါင်းရင်းမြစ်များ

MATTHAI 2:1

Jesuh cu, Judea ram Bethlehem khua ah, Siangpahrang Herod bawi a si lioah khan a chuak. A chuah tlawmpal ah cun arfi zohthiammi hna kha nichuahlei in Jerusalem khua ah khan an ra i,

LUKA 1:39

Cu hnu tlawmpal ah Mary cu aa tim i Judah tlangram i a ummi khua pakhat ah khan khulrang in a hung kal.

LUKA 2:18

Tuukhal pawl nih an chimmi a theimi paoh cu an khuaruah a har dih.

LUKA 5:26

An dihlak in an khuaruah a har ko. Ṭihnak in an khat i Pathian cu an thangṭhat i, “Nihin i kan hmuhmi thil cu khuaruahhar an va si dah!” tiah an ti.

LUKA 7:16

An dihlak in ṭihnak in an khat i Pathian kha an thangṭhat. “Kan lakah profet nganmi a chuak cang i Pathian nih a mi hna khamh awkah a ra cang,” an ti.

LAMKALTU 19:17

Efesa khua i a ummi Judah mi le Grik mi vialte hna nih cu kong cu an theih i an thin a phang i Bawipa Jesuh min cu an upat chinchin.

LAMKALTU 2:43

Lamkaltu hna kha Pathian nih khuaruahharnak le hmelchunhnak tampi a tuahter hna i cu nih cun mizapi kha ṭihnak in a khahter hna.

LAMKALTU 5:11

Khrihfabu le cu thawng a theimi paoh cungah khan ṭihnak nganpi a tlung.

LAMKALTU 5:5

Cu bia cu Ananias nih a theih tikah aa teng bak ko i cu thawng a theimi paoh cu ṭihnak in an khat dih.

JOSHUA 10:40

Cu bangin Joshua nih ram cu a ning piin, tlangram siseh, Negeb siseh, rawnram siseh, tlangpangzau siseh, an siangpahrang vialte he a tei dih hna; pakhat hmanh a zuah hna lo, Bawipa Israel Pathian nih nawl a pek bang khan thaw a chuah paohpaoh cu a hrawh dih cikcek hna.

JOSHUA 10:6

Cun Gibeon mi hna nih cun Joshua cu Gilgal riahhmun ah cun an hei cah i, “Na sal hna cungin na kut kha dorh hlah; khulrang in hung law, kan khamh law, kan bawm tuah; zeitintiah tlang cungah khua a sami Amor mi siangpahrang vialte kha kanmah doh awkah an i pum,” tiah an ti.

BIAPHUAN 11:11

Ni thum le a cheu hnuah Pathian sinin nunnak petu thaw kha a ra i an chungah a lut i annih cu an dir; a hmumi vialte hna cu an thlakawk a bar hna.