LEVITIKAS 9:7 - Lai (Hakha) Common Language Bible 2006

⁷ Cun Moses nih Aaron sinah, “Biakṭheng cu hei naih law, na sual thawinak le na khangh thawinak cu thawi hna, cun nangmah le mi hna caah remnak ser tuah; cun mi hna thawinak cu rak pu law, an caah remnak ser tuah, Bawipa nawl peknak bang khan,” tiah a ti.

LEVITIKAS 9:7 ပူးပေါင်းရင်းမြစ်များ

LEVITIKAS 16:11

“Aaron nih amah ca i sual thawinak ah cawtum cu a chuahpi lai i amah ca le a innchung khar caah remnak a ser lai; cawtum cu amah ca i sual thawinak caah a thah lai.

LEVITIKAS 16:24

hmunthiang ah a pum cu ti in aa kholh lai i a thilpuan cu a aih hna lai i a ra chuak lai i amah ca khangh thawinak le zapi ca khangh thawinak kha a thawi lai i amah ca le zapi caah remnak a ser lai.

LEVITIKAS 16:6

“Cun Aaron nih cawtum cu amah caah sual thawinak caah a thawi lai i amah le a innchungkhar caah remnak a ser lai.

LEVITIKAS 4:3

Sualnak a tuahmi cu Tlangbawi Ngan a si i mizapi cungah mawhnak a tlunter a si ahcun, cawtum no dotla pakhat Bawipa sinah a sualnak hna caah cun a thawi lai.

LEVITIKAS 8:34

Nihin i tuahmi bang hin, nannih ca i remnak ser awkah Bawipa nih nawl a kan pek cang.

LEVITIKAS 9:2

Aaron sinah, “Cawtum no pakhat in sual thawinak caah, cun khangh thawinak caah tuukawng pakhat, dotla veve, la hna law, Bawipa hmaiah thawi hna.

HEBRU 5:1

Tlangbawi Ngan paohpaoh hi a mi hna chung khan thim a si i anmah aiawh in Pathian rianṭuantu ah chiah a si i sualnak ca i laksawng pek le raithawinak tuah kha a rian a si.

HEBRU 5:3

Cun amah zong cu tlin lonak a ngeimi a si ve caah cun, midang sualnak ca hrimhrim zongah khan raithawinak a tuah a hau.

HEBRU 9:7

asinain chungchin thlam ah khan cun Tlangbawi Ngan lawng a lut kho i cu zong cu kum khat ah voi khat lawng a si. Thisen kha aa put i amah caah le mi nih hngalh loin an tuahmi sualnak caah Pathian sinah khan a pek.

1 SAMUEL 3:14

Cucaah Eli innchungkhar hna cu raithawinak in siseh, pekchanhnak in siseh, sualthianhpiak khawh, zungzal in an si lai lo, tiah Eli innchungkhar hna sinah cun chiat ka ser cang,” tiah a ti.