LEVITIKAS 9:5 - Lai (Hakha) Common Language Bible 2006

⁵ Cun Moses nih nawl a pekmi cu tonnak thlam hmaiah an hun hruai hna i aa pummi nih an dihlak in an hun naih i Bawipa hmaiah an dir.

LEVITIKAS 9:5 ပူးပေါင်းရင်းမြစ်များ

1 CHANRELNAK 15:3

Cun Bawipa kuang cu a ca i a timhmi hmun i hun kalpi awkah, David nih Israel mi vialte cu Jerusalem ah a pumh hna.

NEHEMIAH 8:1

Cun thla sarihnak thla a hung chuah i Israel mi hna cu an khua cio ah khan khua an sak cio tikah, mi zapi cu mi pakhat bantukin Ti Kutka timi hmai i tual ah khan an i pum i cazi Ezra kha Bawipa nih Israel mi a pekmi hna Moses phungbia cauk kha rak put awkah an fial.

EXODUS 19:17

Moses nih khan mi zapi cu Pathian ton awkah khan a kalpi hna i tlang hramah cun an dir.

LEVITIKAS 9:4

daihnak thawinak hna caah cawtum pakhat le tuukawng pakhat la hna law, Bawipa hmaiah thawi hna, cun chiti he cawhmi changvut thawinak zong; zeitintiah nihin ah Bawipa cu nannih sinah a lang lai,’ tiah ti hna,” tiah a ti.

LEVITIKAS 9:6

Cun Moses nih, “Mah hihi Bawipa nih tuah awkah nawl an pekmi hna cu a si; cun Bawipa sunparnak cu nannih sinah a lang lai,” tiah a ti.

DEUTERONOMI 31:12

Mizapi cu, pa, nu, ngakchia le nan khua chung khual hna cu, annih nih an theih i Bawipa nan Pathian ṭih kha an thiam i hi phungbia chung bia vialte kha ṭha tein an tuah nakhnga le,