LEVITIKAS 9:3 - Lai (Hakha) Common Language Bible 2006

³ Cun Israel mi hna sinah, ‘Sual thawinak caah meheh tum pakhat le, khangh thawinak caah cawfa pakhat le tuufa pakhat, kum khat veve a si i dotla veve a simi le,

LEVITIKAS 9:3 ပူးပေါင်းရင်းမြစ်များ

GENESIS 37:31

Cun meheh pakhat an thah i Josef angki leng kha a thi ah cun an hnim.

EZRA 10:19

An nupile cu hlawt awk kha bia an i kam i an phungbuar thawinak cu tuurun chungin tuukawng pakhat, an mawhnak caah cun a si.

EZRA 6:17

Hi Pathian inn pekchanhnak ah hin cawtum za khat, tuukawng za hnih le tuufa za li an pekchanh i Israel mi vialte sual thawinak caah Israel mi an phun ning zat in mehehtum hleihnih an pekchanh,

EXODUS 12:5

Cu sa cu a bei lomi, hma zeihmanh a ngei lomi, kum khat a timi a si lai; tuu zong a si ah, meheh zong a si ah, a zeipaoh kha nan i thim khawh lai.

ISAIAH 53:10

Bawipa nih aa thawh i, “Temhnak a in cu ka rak duhmi a si ko; thihnak cu ngaihthiamnak a umtertu raithawinak a si. Cucaah a tefa kha a hmuh hna lai i chan saupi a nung lai, cun amah thawngin khua ka khanmi cu a tlam a tling lai.

LEVITIKAS 10:16

Cun Moses nih sual thawinak meheh kong kha fel tein a hlat i zohhmanh, an rak khangh diam cang ai! Cun Aaron fapa a taangmi hna Eleazar le Ithamar cungah a thin a hung i,

LEVITIKAS 12:6

“Cun aa thianhnak ni kha a tlin tikah, fapa caah siseh, fanu caah siseh, tlangbawi sinah, tonnak thlam innka ah khangh thawinak caah tuufa kum khat a timi a rak put lai i sual thawinak caah laileng no pakhat maw ṭhuro pakhat dik a rak put lai.

LEVITIKAS 14:10

“Cun ni riat ni ah do a tlami tuufa a pa pahnih le tuufa a nu pakhat kum khat a simi do a tlami le changvut thawinak i changvut dip ephah cheu hra cheu thum chiti he cawhmi le chiti thawl khat a lak lai.

LEVITIKAS 16:15

“Cun mi zapi ca i a simi sual thawinak meheh kha a thah lai i a thi cu puanzar chungah a luhpi lai, cun a thi cu cawtum thi a tuah bantuk khan a tuah lai, velngeihnak ṭhutdan cung le velngeihnak ṭhutdan hmai kha a theh lai;

LEVITIKAS 16:5

Cun Israel mibu sin cun meheh tum pahnih sual thawinak caah, tuukawng pakhat khangh thawinak caah a lak lai.

LEVITIKAS 23:12

Cun faphal nan hninh ni ah cun tuufa dotla, a pa, kum khat a timi Bawipa sin i khangh thawinak caah nan thawi lai.

LEVITIKAS 4:23

cu sualnak a tuahmi cu a hngalh ahcun, aa thawinak caah meheh pakhat, a pa dotla, a rak put lai.

LEVITIKAS 4:3

Sualnak a tuahmi cu Tlangbawi Ngan a si i mizapi cungah mawhnak a tlunter a si ahcun, cawtum no dotla pakhat Bawipa sinah a sualnak hna caah cun a thawi lai.

LEVITIKAS 9:2

Aaron sinah, “Cawtum no pakhat in sual thawinak caah, cun khangh thawinak caah tuukawng pakhat, dotla veve, la hna law, Bawipa hmaiah thawi hna.

LEVITIKAS 9:4

daihnak thawinak hna caah cawtum pakhat le tuukawng pakhat la hna law, Bawipa hmaiah thawi hna, cun chiti he cawhmi changvut thawinak zong; zeitintiah nihin ah Bawipa cu nannih sinah a lang lai,’ tiah ti hna,” tiah a ti.

ROM 8:3

Minung kan sining kha a der ruang i Nawlbia nih a tuah khawh lomi kha Pathian nih a tuah. Minung kan sining chung i a ummi sualnak cu Pathian nih a Fapa a run thlahnak thawng khan sual a phawt cang. Sualnak teinak ding caah cun minung kan sining a sualmi bantuk sining he hin a ra.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

1 PETER 2:24

Khrih nih a pum hrimhrim in kan sualnak cu vailam tahnak ah khan a kalpi i cucaah kannih cu sualnak ah khan kan thi cang i dinnak ah kan nung cang. A hma in nan dam cang.

1 PETER 3:18

zeicahtiah Khrih hrimhrim zong kha nanmah caah a thi i sualnak ruangah khan voi khat ah za lakin a thi; nannih cu Pathian sin i kalpi awk caah khan, miṭha cu miṭhalo mi hna ruangah a thi. Pum cun thihnak a huat, sihmanhsehlaw thlarau cun a nung i

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.