LEVITIKAS 9:24 - Lai (Hakha) Common Language Bible 2006

²⁴ Cun Bawipa hmaika in mei a hung chuak i biakṭheng cung i khangh thawinak le thau cu a kangh hna; cun mi vialte nih khan an hmuh tikah an au i an bawk.

LEVITIKAS 9:24 ပူးပေါင်းရင်းမြစ်များ

GENESIS 15:17

Cun ni a tlak i khua a muih tikah a khumi mei um pakhat le a alhmi mei tom pakhat kha an hung chuak i sa a chiahmi hna karlak ah khan an kal.

GENESIS 17:3

Cun Abram cu a khuk aa bil i a bawh lioah Pathian nih cun,

2 SIANGPAHRANG 19:15

Cun Bawipa hmaiah cun Hezekiah nih thla a cam i, “Maw Bawipa, Israel Pathian, cherubim cungah a ṭhumi, vawlei cung pennak vialte hna Pathian cu nangmah lawnglawng hi na si; nangmah nih van le vawlei kha na ser hna.

1 CHANRELNAK 21:26

Cun khika ah David nih Bawipa caah biakṭheng a ser i khangh thawinak le daihnak thawinak hna kha a pekchanh hna i Bawipa kha a auh i amah nih cun khangh thawinak biakṭheng cung i vancung in a tlami mei khan amah cu a leh.

2 CHANRELNAK 6:2

A sunglawimi inn kan sakpiak cang, Zungzal in na umnak ding caah,” tiah a ti.

EZRA 3:11

cun annih nih Bawipa cu an thangṭhat i an lawmh i, “Bawipa sin i lunglawmhnak chim hi a ṭha; Zeitintiah a fekmi a dawtnak cu Israel leiah zungzal in a hmun,” tiin an i sak tonh. Bawipa inn hram cu bunh a si caah mi vialte nih Bawipa cu an thangṭhat tikah fak piin an au.

SALM 80:1

Maw Israel Tuukhal, kan bia kan ngaihpiak tuah, Josef kha tuurun bantukin a hruaitu, kan thlacamnak kan theihpiak tuah. Cherubim cungah bawiṭhutdan cung i a ṭhumi,

EXODUS 3:2

Pathian vancungmi kha meizik bantukin burbuk laifang khan a sinah cun a hung lang. Moses nih cun a hei zoh i burbuk cu a alh hluahmah ko, sihmanhsehlaw a kaang ṭung lo.

LEVITIKAS 10:2

Cun Bawipa hmaika in mei a hung chuak i a kangh hna i Bawipa hmaika ah cun an thi.

LEVITIKAS 6:13

Biakṭheng cungah cun mei alhter a si thluangthluan lai; a mih awk a si lai lo.

NAMBAR 14:5

Cun Moses le Aaron cu Israel mibu aa pummi hmaiah cun an bawk.

NAMBAR 16:22

Cun an bawk i, “Maw Pathian, titsa vialte i thlarau hna Pathian, mi pakhat nih a sual caah, nangmah cu mi zapi vialte cungah hin na thin a hung lai maw?” tiah an ti.

MATTHAI 26:39

Hmailei ah khin tlawmpal a va kal i vawlei ah a bawk i, “Ka Pa, a si khawh ahcun hi hrai hi ka ṭhialpiak ko. Sihmanhsehlaw keimah duhmi cu si hlah seh, nangmah duhmi tu si ko seh,” tiah thla a cam.

BIAPHUAN 4:9

A nungmi saram pali nih cun bawiṭhutdan cung i a ṭhumi, zungzal in zungzal tiang a nungmi cu, sunparnak le upatnak le lawmhnak hla in an thangṭhat.

BIAPHUAN 5:8

Cu ti a va lak ahcun saram nung pali hna le upa kul le pali hna kha Tuufa hmaiah cun an kun. Pakhat nih tingtang pakhat cio le zihmui a khatmi sui kheng pakhat cio an i put, sui kheng chung zihmui cu Pathian mi hna thlacamnak kha a si.

BIAPHUAN 7:11

Vancungmi vialte cu bawiṭhutdan le upa hna le saram nung pali hna vel chum ah khan an dir. Cun bawiṭhutdan hmaiah cun an kun i Pathian kha an biak i

BIACEIHTU 13:23

Sihmanhsehlaw a nupi nih amah cu, “Bawipa nih thah a rak kan timh a si ahcun, khangh thawinak le chang thawinak kha kan kut chungin a kan cohlanpiak hnga lo, cun hi thil vialte zong hi a kan hmuhsak hnga lo i hi bantuk thil hna zong hi a kan chim hnga lo,” tiah a ti.

BIACEIHTU 6:21

Khi tikah Bawipa vancungmi nih a kut i aa putmi ṭhiangṭhunh par cun, sa le thilnu cawh lo changreu kha a hei sawh hna i a tawngh hna; cun lung cun mei a tho i sa le thilnu cawh lo changreu cu a kangh dih hna; cun Bawipa vancungmi cu a mit hmuh lo ah a lo.