LEVITIKAS 9:22 - Lai (Hakha) Common Language Bible 2006

²² Cun Aaron nih mi zapi leiah cun a kut a hler hna i thluachuah a pek hna. Cun sual thawinak le khangh thawinak le daihnak thawinak hna a thawi dih in a rung ṭum.

LEVITIKAS 9:22 ပူးပေါင်းရင်းမြစ်များ

1 SIANGPAHRANG 8:55

a dir i Israel mi aa pummi vialte kha aw thang piin thluachuah a pek hna i,

1 CHANRELNAK 23:13

Amram fapa hna: Aaron le Moses. Aaron cu amah le a fapa hna nih zungzal in Bawipa hmaiah zihmui kha an khangh i amah rian kha an ṭuan i amah min in zungzal in thluachuah peknak an chim nakhnga, Aaron cu a thiang bikmi thil hna kha pekchanh awkah thleidan a si.

2 CHANRELNAK 6:3

Cun siangpahrang cu a hnulei aa mer i Israel mi aa pummi vialte cu an dir lioah, Israel mi aa pummi vialte cu thluachuah a pek hna.

SALM 72:17

A min cu zeitikhmanh ah philh si ti hlah seh; a minthannak cu ni a um chung paohpaoh dai loin um zungzal ko seh. Miphun zakip nih amah cu thangṭhat hna seh, mi vialte nih Pathian cu, siangpahrang thluachuah na pek bantukin kannih zong ka pe ve, tiin nawl hna seh.

EXODUS 39:43

An tuahmi vialte kha Moses nih ṭha tein a zoh i Bawipa nih a chimhning tein an tuah ti kha a hmuh. Cucaah Moses nih thluachuah a pek hna.

NAMBAR 6:22

Bawipa nih Moses cu a chawnh i,

MARKA 10:16

Cun ngakchia cu a pom hna i an cungah a kut a chuan i thluachuahnak a pek hna.

LUKA 24:50

Cun khuapi chung khan a chuahpi hna i Bethani khua tiang a kalpi hna. Khika ah a kut a hler i thluachuahnak a pek hna.

LAMKALTU 3:26

Cucaah Pathian nih a Sal cu a thim i nan sinah a hmasa bik ah a rak thlah, cuti in a rak thlahnak cu, nan ziaza ṭhalo kha nan mertak hna i thluachuahnak an pek hna nakhnga caah a si,” tiah a ti.

DEUTERONOMI 10:8

Khi caan ah, Bawipa biakamnak kuang put awk le amah min in thluachuah pek le amah ca rianṭuan awk i Bawipa hmai i dir awkah, Bawipa nih Levi phun cu nihin tiang aa thleidan hna.

DEUTERONOMI 21:5

Cun Levi fapa hna, tlangbawi hna kha hmaiah an ra chuak lai, zeitintiah Bawipa nih amah rian ṭuan awkah le Bawipa min in thluachuah pek awk caah a thim cang hna i, an bia in tazacuainak vialte le i tukdennak vialte cu biachah a si lai.

1 PETER 3:9

Ṭhat lonak kha ṭhat lonak in lehrul hlah u, vawlhpamhnak kha vawlhpamhnak in lehrul fawn hlah u; thluachuah peknak tu in lehrul hna u, zeicahtiah Pathian nih an kawh hna tikah bia an kamhmi hna cu, thluachuahnak kan pek hna lai, ti a si.