LEVITIKAS 8:33 - Lai (Hakha) Common Language Bible 2006

³³ Cun tonnak thlam innka in ni sarih chung nan chuak lai lo, nanmah thleidannak ni hna a tlin hlantiang, zeitintiah nanmah thleidannak caah ni sarih a herh lai.

LEVITIKAS 8:33 ပူးပေါင်းရင်းမြစ်များ

EXODUS 29:30

Aaron cu tlangbawi a sinak a rian a hun changtu a fapa nih khan, pumhnak thlam chung hmunthiang i rian ṭuan awkah a luh tikah, cu thilthuam cu ni sarih chung aa hruk hna lai.

EXODUS 29:35

“Aaron le a fapa hna caah hin kan chimhning bantukte in na tuah lai. An caah thleidannak na tuahmi hi ni sarih chung a si lai.

LEVITIKAS 14:8

Cun thianh awk a simi nih cun a hnipuan a suk hna lai i a sam vialte aa meh dih lai i ti in aa kholh lai i amah cu a thiang lai; cun cu hnuah cun riahnak hmun chungah cun a lut lai, sihmanhsehlaw amah buk lengah ni sarih a um lai.

LEVITIKAS 15:13

“Cun thil chuakmi cu a thil chuakmi in a thian tikah amah thianhnak caah ni sarih aa rel lai i a hnipuan a suk hna lai i a luangmi ti ah a pum cu aa kholh lai i a thiang lai.

LEVITIKAS 8:34

Nihin i tuahmi bang hin, nannih ca i remnak ser awkah Bawipa nih nawl a kan pek cang.

NAMBAR 19:12

ni thumnak ni le ni sarihnak ni ah i thianhnak ti khan aa thianh lai i cu bangin a thiang lai; sihmanhsehlaw ni thumnak ni le ni sarihnak ni ah aa thianh lo ahcun a thiang lai lo.