LEVITIKAS 8:23 - Lai (Hakha) Common Language Bible 2006

²³ Cun Moses nih a thah i a thi cu tlawmpal in a lak i Aaron orhlei hnakhaw parte le a orhlei siapi le a orhlei kepi ah a thuh hna;

LEVITIKAS 8:23 ပူးပေါင်းရင်းမြစ်များ

EXODUS 29:20

Na thah lai i a thi tlawmpal in na lak lai i Aaron le a fapa hna an orhlei hna cungah khan na neh hna lai, cun an orhlei kutpi le an orhlei kepi zongah khan na neh fawn hna lai. A taangmi thi cu biakṭheng velchum ah khan na thlet lai.

EXODUS 29:21

Biakṭheng cung i a ummi thi le thuhnak chiti kha naa lak hna lai i Aaron le a thilpuan kha na theh hna lai, Aaron fapa hna le an thilpuan zong kha na theh fawn hna lai. Aaron le a fapa hna le an thilthuam hna cu, cuticun thianh an si lai.

LEVITIKAS 14:14

Tlangbawi nih cun phungbuar thawinak sathi cu tlawmpal in a lak lai i thianh awk dingmi orhlei hnakhaw par le a orhlei siapi le a orhlei kepi ah a neh lai.

LEVITIKAS 14:17

Cun a kut chung i a taangmi chiti cu tlawmpal in thianh awk a simi orhlei hnakhaw par le a orhlei siapi le a orhlei kepi cungah, phungbuar thawinak thi cungah khan a thuh lai;

LEVITIKAS 14:25

Phungbuar thawinak tuufa cu a thah lai i tlangbawi nih phungbuar thawinak sathi cu tlawmpal in a lak lai i thianh awk a simi orhlei hnakhaw par le a orhlei siapi le a orhlei kepi ah a neh hna lai.

LEVITIKAS 14:28

cun tlangbawi nih thianh awk a simi a orhlei hnakhaw par le a orhlei siapi ah le a orhlei kepi ah, phungbuar thawinak thi thuhnak hmun ah khan a orhlei kut chung i a ummi chiti cu tlawmpal in a thuh lai;

LEVITIKAS 7:37

Mah hihi khangh thawinak, changvut thawinak, sual thawinak, phungbuar thawinak, thianternak le daihnak thawinak hna phunglam cu a si.

ROM 12:1

Cucaah ka u le ka nau hna, Pathian nih a kan zaangfahnak a nganmi ruangah hin, Pathian sinah a nung in pekchanhmi raithawinak bantukin i pe tuah u; a rian ah aa pumpemi le cohlan awk tlakmi si tuah u; cucu biaknak taktak Pathian nan pek awk biaknak cu a si.

ROM 6:13

Cun nan pum a zeihmanh kha thil ṭhalo tuahnak ding caah sualnak kha pe ti hlah u. Thihnak in nunnak ah thawhter ṭhanmi bantukin Pathian sin tu ah i pe u law dinnak tuahnak ding caah nan pum cu a ningpi in Pathian cu pe ko u.

ROM 6:19

Hi bantukin tahchunhnak bia ka hman hi, nannih nih nan hngalh khawh deuh nakhnga ka duh caah a si. Hlanah cun a ṭha lomi thil tuah awkah thurhnawmhnak le ṭhat lonak sal nan rak si. Cu bantuk ṭhiamṭhiam in atu cu a thiangmi thil tuah awkah dinnak sal nan si awk a si.

1 KORIN 1:2

Nannih cu Pathian mithiang si awkah kawh nan si i Khrih Jesuh he nan i pehtlaihnak thawngin Pathian ta nan si. Cun Jesuh Khrih cu kan Bawi zong a si i an Bawi zong a si ve bantukin kan Bawipa Jesuh Khrih min in thla a cammi paoh cu khuazeika i a ummi an si hmanh ah Pathian ta cu an si ve.

1 KORIN 1:30

Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

1 KORIN 6:20

a man in cawkmi nan si. Cucaah nan pum cu Pathian sunparnak caah hmang u.

FILIPI 1:20

Ka duhnak ngan bik le si kho seh ti ka duh bikmi cu, ka rian hi a tlam tlinh kho ning ti hi a si i a zungzal in, cun atu thengte chinchin ah hin, ka nun zongah ka thih zongah, ralṭhatnak in khah i ka pum hrimhrim in Khrih cu upatnak pek kha a si.

FILIPI 2:17

Ka nunnak thisen hi nan zumhnak nih Pathian a pekmi raithawinak sa cungah toih a si hmanh ah cucu ka lawmhmi a si ko lai i cu kaa lawmhnak cu nan dihlak in kan hrawm hna.

1THESALON 5:22

thil ṭhalo paohpaoh kha hrial hna u.

HEBRU 2:10

Zeizong vialte a ser i a zohkhenhtu Pathian nih, a sunparnak i fa tampi phakter awkah, Jesuh cu harnak innak in mi tling ah a ser cu aa tlakmi thil hrimhrim a si, zeicahtiah Jesuh cu khamhnak ah a phakpitu hna a si.

HEBRU 5:8

Sihmanhsehlaw Pathian Fapa a si ko nain Pathian nawl ngaih kha harnak innak chungin a thiam.