LEVITIKAS 8:14 - Lai (Hakha) Common Language Bible 2006

¹⁴ Cun sual thawinak cawtum cu a rak put i Aaron le a fapa hna nih sual thawinak cawtum lu cungah cun an kut an chuan.

LEVITIKAS 8:14 ပူးပေါင်းရင်းမြစ်များ

SALM 66:15

Biakṭheng cung i khangh awkah tuu kha ka rak put hna lai, meheh khanghmi rim thaw kha aa zel lai i, cawtum le meheh kha raithawinak ah kan pek chanh hna lai.

ISAIAH 53:10

Bawipa nih aa thawh i, “Temhnak a in cu ka rak duhmi a si ko; thihnak cu ngaihthiamnak a umtertu raithawinak a si. Cucaah a tefa kha a hmuh hna lai i chan saupi a nung lai, cun amah thawngin khua ka khanmi cu a tlam a tling lai.

EZEKIEL 43:19

Levi tlangbawi, Zadok tefa hna lawng kha ka rian ṭuan awkah ka pawngah an ra lai, tiah Bawipa Pathian nih a ti. Annih cu sual thawinak caah cawtum no pakhat na phawt hna lai;

EZEKIEL 43:20

a thi cu tlawmpal in na lak i biakṭheng ki pali ah khan le a hram dot cungnung deuh a kil pali ah khan le a tlang a velchum ah khan na chiah hna lai i cuticun na thianh lai i a caah remnak na serpiak lai.

EZEKIEL 44:27

Hmun Thiang Bik chung i rian ṭuan awkah chungchin tual ah khan an luh tikah, an sual thawinak kha an pekchanh lai, tiah Bawipa Pathian nih a ti.

LEVITIKAS 1:4

amah nih khangh thawinak sa a lu cungah cun a kut a chiah lai i amah caah remnak tuahnak caah cohlanpiak a si lai.

LEVITIKAS 16:21

Aaron nih a kut pahnih in meheh nung lu ah cun a chuan lai i Israel mi ṭhat lonak vialte, an phungbuarnak vialte le an sualnak vialte cu a cungah cun a phuan lai i meheh lu cungah cun a chiah hna lai, mi pakhat timhcia in a ummi nih khan ramlak ah a kalpi lai.

LEVITIKAS 16:6

“Cun Aaron nih cawtum cu amah caah sual thawinak caah a thawi lai i amah le a innchungkhar caah remnak a ser lai.

LEVITIKAS 4:15

Cun an bu chung upa hna nih cawtum lu ah cun Bawipa hmaika ah an kut an chuan lai i cawtum cu Bawipa hmaika ah an thah lai.

LEVITIKAS 8:2

“Aaron cu a fapa hna he kalpi hna law, puan hna le thuhnak chiti le thilnu telh lo changreu bawm khat le sual thawinak cawtum le tuukawng pahnih hna kha kalpi ve hna;

NAMBAR 8:12

Cun Levi mi hna nih cun cawtum hna lu cungah cun an kut an chuan lai; Levi mi hna ca i remnak sernak ah, pakhat cu sual thawinak caah, pakhat cu khangh thawinak caah, Bawipa sinah na pekchanh lai.

ROM 8:3

Minung kan sining kha a der ruang i Nawlbia nih a tuah khawh lomi kha Pathian nih a tuah. Minung kan sining chung i a ummi sualnak cu Pathian nih a Fapa a run thlahnak thawng khan sual a phawt cang. Sualnak teinak ding caah cun minung kan sining a sualmi bantuk sining he hin a ra.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

1 PETER 3:18

zeicahtiah Khrih hrimhrim zong kha nanmah caah a thi i sualnak ruangah khan voi khat ah za lakin a thi; nannih cu Pathian sin i kalpi awk caah khan, miṭha cu miṭhalo mi hna ruangah a thi. Pum cun thihnak a huat, sihmanhsehlaw thlarau cun a nung i