LEVITIKAS 8:13 - Lai (Hakha) Common Language Bible 2006

¹³ Cun Moses nih Aaron fapa hna cu a ratpi hna i angki leng a hruk hna i taisawm a sawmh hna i lupawng a ponh hna, Bawipa nih Moses nawl a pek bang khan.

LEVITIKAS 8:13 ပူးပေါင်းရင်းမြစ်များ

SALM 132:9

Na mi na khamh hna kha tlangbawi nih thanh hna seh law na mi cu an dihlak in lunglawm in au hna seh.

EXODUS 40:13

Aaron kha puan thiang cu na aihter lai i chiti na thuh lai i cuticun na thianter lai i ka tlangbawi rian kha a ṭuan lai.

EXODUS 40:16

Bawipa nih a fial bantuk tein zeizong vialte kha Moses nih a tuah dih.

ISAIAH 61:10

Bawipa nih a tuahmi thil ruangah Jerusalem cu aa lawm. Va ngei lai ngaknu aa ṭamhmi bantuk a si. Pathian nih khamhnak le teinak he a thuamh cang.

ISAIAH 61:6

Nang tu cu Bawipa tlangbawi tiah ti na si lai i miphun hna rumnak cu na ei lai, na ta an si caah khan na hmai a hngal lai.

EZEKIEL 42:14

Tlangbawi kha hmun thiang i a luh tikah, khika ah a hmanmi thilthuam hna kha cuka i an chiahtak hna lo ahcun, lenglei tual ah khan an chuak lai lo, zeicahtiah cu thilthuam hna cu thil thiang an si, zapi sin i an va chuah hlanah khan thil dang in an i thlen awk a si.

LEVITIKAS 10:5

Cucaah an ra chuak i Moses nih a chim bang khan riahhmun lengah an angkileng in an hnuh hna.

LEVITIKAS 8:21

Cun a chungril le a ke hna cu ti in a ṭawl hna i Moses nih tuukawng cu a pum in biakṭheng cungah khangh thawinak caah, rimthaw Bawipa sin i mei in thawinak caah, a khangh, Bawipa nih Moses nawl a pek bang khan.

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

BIAPHUAN 1:6

a Pathian le a Pa rian kha tlangbawi bantukin a ṭuantu dingah siangpahrang phun ah a kan ser. Cu Jesuh cungah cun sunparnak le ṭhawnnak kha zungzal in zungzal tiang um camcin ko seh! Amen.

BIAPHUAN 5:10

Kan Pathian rian tlangbawi bantukin a ṭuantu dingah siangpahrang phun ah na ser hna i Annih nih vawlei cu an uk lai,” an ti.