LEVITIKAS 7:6 - Lai (Hakha) Common Language Bible 2006

⁶ Tlangbawi hna lak i pa paoh nih cun mah cucu an ei lai; hmun thiang pakhat ah ei a si lai; mah cucu a thiang bik a si ve.

LEVITIKAS 7:6 ပူးပေါင်းရင်းမြစ်များ

EZEKIEL 42:13

Cun a ka thawh i, “Tual hmai i a ummi chaklei khaan hna le thlanglei khaan hna kha khaan thiang an si caah cu khaan hna cu Bawipa hmaiah a chuakmi tlangbawi hna nih thawinak thiang bik an einak hna hmun an si lai, cuka khaan hna cu thil thiang bik thawinak — rawl thawinak, sual thawinak le phungbuar thawinak — chiahnak hmun thiang an si lai.

LEVITIKAS 2:3

Cun changvut thawinak chungin a taangmi cu Aaron le a fapa hna caah a si lai; mah hi cu mei in thawinak Bawipa sin pekmi hna lakah a thiang bik a si ve.

LEVITIKAS 21:22

A Pathian ta a simi changreu a ei ko lai, a thiang bik zong, a thiangmi thil zong,

LEVITIKAS 6:11

Cun a puan kha aa phoih hna lai i puan dang aa aih lai i vutcam cu riahbuk leng hmunthiang ah a kalpi lai.

LEVITIKAS 6:29

Tlangbawi hna lak i pa paoh nih cun an ei lai; mah hihi a thiang bik a si ve.

LEVITIKAS 7:5

mah hna hi tlangbawi nih Bawipa sin i mei in thawinak ah biakṭheng cungah a khangh hna lai; cucu phungbuar thawinak a si.

HAGGAI 2:12

“Mi pakhatkhat nih Pathian sin pekmi sathiang kha a puan tlang bil chungah i fun seh law, a puanpar nih cun changreu maw sa chumhmi maw mitsur hang maw chiti maw rawl zeipaoh zong maw, hei tawng seh law cu tikah a tawnghmi rawl cu a thiang ah a canter lai maw? tiin hal tuah hna. Cucu a hal hna tikah tlangbawi hna nih cun, “A thiang lai lo,” an ti.

1 KORIN 10:18

Hebru mi kha ruat hna hmanh u, raithawinak ah pekchanhmi sa a eimi paoh cu Pathian biakṭheng rianṭuannak ah khan an i tel ve.

1 KORIN 9:13

Biakinn chung i rian a ṭuanmi hna nih Biakinn in an rawl kha an hmuh ti le biakṭheng cung i raithawinak a pechanmi hna nih raithawinak sa kha an co ve ti cu nan hngalh.