LEVITIKAS 6:6 - Lai (Hakha) Common Language Bible 2006

⁶ Cun tlangbawi sinah Bawipa sin i a pekchanhmi phungbuar thawinak cu a rak put lai, tuurun chungin tuukawng pakhat dotla, nangmah nih phungbuar thawinak caah a man a za na timi a si lai;

LEVITIKAS 6:6 ပူးပေါင်းရင်းမြစ်များ

EZRA 10:19

An nupile cu hlawt awk kha bia an i kam i an phungbuar thawinak cu tuurun chungin tuukawng pakhat, an mawhnak caah cun a si.

NEHEMIAH 10:35

Kan lo chung thlai thar hna le kan thei kung theitlai hmasa bik hna cu a kum fate in Bawipa inn i rak put awkah bia kan i kam;

EZEKIEL 40:46

Chaklei a hoihmi khaan hi biakṭheng a zohkhenhtu hna tlangbawi hna caah a si; hi tlangbawi hna cu Zadok fapale kha an si i Levi miphun chungah khan anmah lawnglawng hi Bawipa rian ṭuan awkah a pawngah a ra ding cu an si.

LEVITIKAS 14:12

Cun tlangbawi nih tuufa a pa pakhat kha a lak lai i phungbuar thawinak caah a thawi lai, chiti thawl khat he cun, cun hninh thawinak caah a hninh hna lai, Bawipa hmaiah;

LEVITIKAS 5:15

“Ahohmanh nih phung a buar i Bawipa thil a thiangmi pakhatkhat cungah hngalh loin a sual ahcun, Bawipa sin i phungbuar thawinak caah tuurun chungin tuukawng pakhat dotla a rak put lai; hmunthiang i shekel ning khan ngun shekel zeizat man a si kha na tuak lai; mah cucu phungbuar thawinak a si.

LEVITIKAS 5:18

Tuurun chungin tlangbawi sinah tuukawng pakhat dotla, nangmah nih phungbuar thawinak caah a man a za na timi a rak put lai i tlangbawi nih remnak, hngalh loin a tuahmi a palhnak caah khan, a serpiak lai i ngaihthiam a si lai.

LEVITIKAS 5:7

“Sihmanhsehlaw tuufa kha a ngeih nih a tlinh lo ahcun, sualnak a tuahmi caah khan sual thawinak caah ṭhuro pahnih siseh, laileng no pahnih siseh, Bawipa sinah a rak put lai, pakhat cu sual thawinak caah a si lai i pakhat cu khangh thawinak caah a si lai.