LEVITIKAS 6:27 - Lai (Hakha) Common Language Bible 2006

²⁷ A sa a tawngtu paoh cu thleidan a si lai; cun a thi kha puan cungah a tlak ahcun, a tlakmi puan cu hmun thiang pakhat ah na suk lai.

LEVITIKAS 6:27 ပူးပေါင်းရင်းမြစ်များ

EXODUS 29:37

Ni sarih chung kha biakṭheng caah cun sual ngaihthiamnak caah raithawinak na ser lengmang lai i biakṭheng cu na thianter lai. Cun biakṭheng cu a zarh ngaingaimi thil ah a cang lai i a tawngtu paoh kha thil zarh ah an cang ve lai.”

EXODUS 30:29

Cuticun hi thil hi na thianh hna lai i a zarh ngaingaimi thil ah an cang lai; cucaah a tawngmi hna paoh cu thil zarh ah an cang ve lai.

EZEKIEL 44:19

Lenglei tual i mizapi sinah an va chuah tikah, ka rian an ṭuan lio i an i hrukmi thilpuan kha an i phoih lai i a thiangmi khaan chungah khan an chiahtak hna lai i thilpuan dang an i hruk lai; cu ti an tuah lo ahcun thiannak ṭhawnnak kha an thilpuan cun mi zapi sinah khan an kalpi sual hnga.

LEVITIKAS 11:32

Cun, an thih tikah an tlakhnawhmi thilri paoh cu a thur lai, thing thilri siseh, puan siseh, saphaw siseh, sawngkhoi siseh, hman awk thil a simi paohpaoh; ti chungah ciah a si hrimhrim lai i zanlei tiang thianglo a si lai; cu tikah a thiang lai.

LEVITIKAS 6:18

Aaron tefale hna chungin pa paohpaoh nih an ei lai; Bawipa sinah mei in thawinak hna chungin nan tefa chan tiangin zungzal nan vo a si lai; cu thil a tawngmi hna paoh cu thleidan an si lai.”

LEVITIKAS 7:19

“A thiang lomi thil zeihmanh a tawngtu sa cu ei a si lai lo; mei in khangh a si lai. Sa cu a thiangmi vialte hna nih an ei lai,

HAGGAI 2:12

“Mi pakhatkhat nih Pathian sin pekmi sathiang kha a puan tlang bil chungah i fun seh law, a puanpar nih cun changreu maw sa chumhmi maw mitsur hang maw chiti maw rawl zeipaoh zong maw, hei tawng seh law cu tikah a tawnghmi rawl cu a thiang ah a canter lai maw? tiin hal tuah hna. Cucu a hal hna tikah tlangbawi hna nih cun, “A thiang lai lo,” an ti.

MATTHAI 14:36

A zawmi cu na puan tlang tal kha tawnghter ko hna, tiah an nawl i a tawngmi paoh cu an dam dih.

MATTHAI 9:21

“A puan hmanh kha ka tongh khawh ahcun ka dam ko lai,” tiah a lungchung in a ti.

2 KORIN 7:1

Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

2 KORIN 7:11

Nan ngaihchiatnak hi zeitindah Pathian nih a hman kha zohhmanh u: zeitluk in dah an biatakter hna, nan sual lonak kha zeitluk in dah a langhter. Nan thin an phawh hna, an lauter hna, nan ka ngaihnak kha a ṭhanter, dinnak tuah awkah an ṭanter hna i thil ṭhalo kha dantat zau an duhter hna. Hi thil hi a ning piin zoh tikah palhnak nan ngeih lo kha nan langhter.