LEVITIKAS 5:7 - Lai (Hakha) Common Language Bible 2006

⁷ “Sihmanhsehlaw tuufa kha a ngeih nih a tlinh lo ahcun, sualnak a tuahmi caah khan sual thawinak caah ṭhuro pahnih siseh, laileng no pahnih siseh, Bawipa sinah a rak put lai, pakhat cu sual thawinak caah a si lai i pakhat cu khangh thawinak caah a si lai.

LEVITIKAS 5:7 ပူးပေါင်းရင်းမြစ်များ

LEVITIKAS 12:6

“Cun aa thianhnak ni kha a tlin tikah, fapa caah siseh, fanu caah siseh, tlangbawi sinah, tonnak thlam innka ah khangh thawinak caah tuufa kum khat a timi a rak put lai i sual thawinak caah laileng no pakhat maw ṭhuro pakhat dik a rak put lai.

LEVITIKAS 12:8

Cun tuufa kha a ngeih khawh lo ahcun, ṭhuro pahnih maw, laileng no pahnih dik a lak hna lai, pakhat cu khangh thawinak caah a si lai i a dang cu sual thawinak caah a si lai; cun tlangbawi nih remnak a serpiak lai i amah cu a thiang lai.”

LEVITIKAS 14:30

Cun a tlinh khawhmi paoh, ṭhuro siseh laileng no siseh,

LEVITIKAS 14:31

pakhat cu sual thawinak caah, pakhat cu khangh thawinak caah, changvut thawinak he hmunkhat ah a thawi lai; cun tlangbawi nih thianh liomi cu Bawipa hmaiah remnak a serpiak lai.

LEVITIKAS 15:30

Tlangbawi nih pakhat cu sual thawinak caah, a dang pakhat cu khangh thawinak caah a thawi hna lai i amah cu Bawipa hmaiah thichuah i a thian lonak caah cun tlangbawi nih remnak a serpiak lai.

LEVITIKAS 16:5

Cun Israel mibu sin cun meheh tum pahnih sual thawinak caah, tuukawng pakhat khangh thawinak caah a lak lai.

LEVITIKAS 27:8

Cun a man na tuakmi cu pakhatkhat nih a si a fah tuk caah a pek khawh lo ahcun, a minung cu tlangbawi hmaiah a chuahpi lai i tlangbawi nih cun a man cu a tuak lai; biakamnak a sertu nih a ti khawhning khan in tlangbawi nih a man cu a tuak lai.

LEVITIKAS 5:11

“Sihmanhsehlaw ṭhuro pahnih siseh, laileng no pahnih siseh, a ngeih nih a tlinh lo ahcun, sualnak a tuahmi thawinak caah khan, sual thawinak caah changvut dip ephah cheu hra cheu khat a rak put lai; chiti a toih lai lo, frankinsen zong a toih lai lo, zeitintiah mah hi cu sual thawinak a si.

LEVITIKAS 7:1

“Mah hihi phungbuar thawinak phungbia a si. A thiang bik a si ve.

LEVITIKAS 9:3

Cun Israel mi hna sinah, ‘Sual thawinak caah meheh tum pakhat le, khangh thawinak caah cawfa pakhat le tuufa pakhat, kum khat veve a si i dotla veve a simi le,

NAMBAR 5:6

“Israel mi cu va chim hna, Pa nih siseh nu nih siseh a minung hawi cungah ṭhat lonak a tuah i cu a tuahmi thawngin Bawipa he bia i kamnak kha a rawk i a tuahtu nih cun a sualnak kha a hngalh tikah,

NAMBAR 6:10

Ni riat ni ah ṭhuro pahnih maw, laileng no pahnih dik, tonnak thlam innka ah, tlangbawi sinah a rak put lai.

NAMBAR 6:11

Cun tlangbawi nih pakhat cu sual thawinak caah a thawi lai i pakhat cu khangh thawinak caah a thawi lai, cun remnak a serpiak lai, zeitintiah miruak thawngin a sual cang. Cun cu ni theng ah cun a lu kha a thianter lai i

MATTHAI 10:16

“Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.

MATTHAI 21:12

Jesuh cu biakinn ah khan a va lut i biakinn chung i chaw a rak zuarmi le a rak cawmi kha a ṭhawl dih hna; tangka thlengtu pawl cabuai le laileng zuartu pawl ṭhutdan kha a leh dih hna i

MATTHAI 3:16

Tipilnak a in dih cangka cun Jesuh cu ti chung cun a chuak. Van kha aa hung i Pathian Thlarau cu ṭhuro bantukin a rung zuan i a cung i aa fut kha a hmuh.

LUKA 2:24

Cun Bawipa nawlbia nih, Ṭhuro tuah khat, asiloah, laileng no pahnih, raithawinak ah nan pekchanh hna lai, a ti bantukin annih nih raithawinak kha an pekchanh.

2 KORIN 8:12

Pek duhnak lungthin nan ngeih ahcun nan ngeih lomi thil zoh in si loin nan ngeihmi thil zoh in Pathian nih nan laksawng cu an cohlanpiak hna lai.