LEVITIKAS 5:2 - Lai (Hakha) Common Language Bible 2006

² Cun, ahohmanh nih a thiang lomi thil, a thiang lomi saram ruak siseh, a thiang lomi saṭil ruak siseh, a thiang lomi a lawnmi ruak siseh a tongh i amah nih a hngalh lo i aa buar ahcun, amah nih a hun hngalh cangka in a mawh lai.

LEVITIKAS 5:2 ပူးပေါင်းရင်းမြစ်များ

SALM 19:12

Ahohmanh amah sualnak aa hmu khomi an um lo; a thli tein ka tuahmi ka sualnak chungin ka thianh tuah.

ISAIAH 52:11

Thil thiang a phortu hna, Babilon khan khulrang in chuak u. Tawngh lo ding timi thil kha tawng hna hlah u, thiang tein um u law khua kha chuahtak u.

LEVITIKAS 11:11

Nannih caah fihnung an si zungzal lai; an sa nan ei lai lo i an ruak cu fihnung ah nan rel hna lai.

LEVITIKAS 11:8

An sa nan ei lai lo i an ruak nan tawng lai lo; nan caah a thianglo an si.

LEVITIKAS 4:13

“Israel mi bu nih an bupi in hngalh loin sualnak an tuah i cu thil cu zapi hmuh lomi thil a si i Bawipa nih tuah lo awk tiin nawl a pekmi pakhatkhat cu an tuah i an mawh ahcun,

LEVITIKAS 5:17

“Ahohmanh nih Bawipa nih tuah lo awk i nawl a pekmi tuahnak in a sual ahcun, a hngalh lo hmanh ah, a mawh ko, a ṭhat lonak cu amah nih a in lai.

LEVITIKAS 5:3

Cun ahohmanh nih minung thian lonak, zei bantuk thian lonak phun hmanh in thianglo si ai kun, cun amah nih a hngalh lo i a buar ahcun, amah nih a hun hngalh tikah a mawh lai.

LEVITIKAS 5:4

Cun ahohmanh nih ṭhat lonak tuah awk siseh, ṭhatnak tuah awk siseh, i ruat cungcang loin a hmur in zei bantuk chiatsernak hmanh si ai kun, a ser i amah nih a hngalh lo ahcun, a hun hngalh tikah hi chiatsernak pakhatkhat cungah a mawh lai.

LEVITIKAS 7:21

Cun ahohmanh nih thil thianglo, minung thian lonak siseh, saram thianglo siseh, a thiang lomi thil fihnung zeipaoh siseh, a tawngh i Bawipa daihnak thawinak pekchanhmi sa a ei ahcun cu mi cu a miphun sinin hlawt a si lai.”

HAGGAI 2:13

Cun Haggai nih cun, “Mi pakhatkhat nih miruak tawng seh law, cun hi rawl pakhatkhat hi tawng hna seh law, cu rawl cu cu nih cun a thurter hna lai maw?” tiah a ti. Tlangbawi hna nih cun, “A thurter lai,” an ti.

NAMBAR 19:22

Cun a thiang lomi nih a tawnghmi thil paoh kha thianglo a si lai i, cu thil a tawngmi paoh cu zanlei tiang thianglo a si lai,” tiah a ti.

LUKA 11:44

Nan caah ṭihnung a va si dah. Nannih cu hmelchunhnak tuah lomi thlan, a cung i mi nih hngalh loin an kal tawnnak bantuk cu nan si,” a ti.

2 KORIN 6:17

Cucaah Bawipa nih, “Annih cu nan kaltak hrimhrim hna lai i an sin cun nan i ṭhen hrimhrim lai. A thiang lomi kha zeihmanh tawng hlah u law kan cohlan hna lai.

DEUTERONOMI 14:8

Cun vok, zeicahtiah a tin cu a ṭe nain rawlret a khai lo, cu caah nan caah a thianglo. An sa nan ei lai lo, an ruak zong nan tawng lai lo.