LEVITIKAS 5:17 - Lai (Hakha) Common Language Bible 2006

¹⁷ “Ahohmanh nih Bawipa nih tuah lo awk i nawl a pekmi tuahnak in a sual ahcun, a hngalh lo hmanh ah, a mawh ko, a ṭhat lonak cu amah nih a in lai.

LEVITIKAS 5:17 ပူးပေါင်းရင်းမြစ်များ

SALM 19:12

Ahohmanh amah sualnak aa hmu khomi an um lo; a thli tein ka tuahmi ka sualnak chungin ka thianh tuah.

LEVITIKAS 4:13

“Israel mi bu nih an bupi in hngalh loin sualnak an tuah i cu thil cu zapi hmuh lomi thil a si i Bawipa nih tuah lo awk tiin nawl a pekmi pakhatkhat cu an tuah i an mawh ahcun,

LEVITIKAS 4:22

“Uktu pakhatkhat nih sualnak a tuah tikah, Bawipa a Pathian nih tuah lo awk i nawl a pekmi thil pakhatkhat kha hngalh loin a tuah i a mawh tikah,

LEVITIKAS 4:27

“Zaran chungin pakhatkhat nih Bawipa nih tuah lo awk i nawl pekmi thil pakhatkhat tuah in, hngalh lo i sualnak a tuah i a mawh a si ahcun,

LEVITIKAS 5:15

“Ahohmanh nih phung a buar i Bawipa thil a thiangmi pakhatkhat cungah hngalh loin a sual ahcun, Bawipa sin i phungbuar thawinak caah tuurun chungin tuukawng pakhat dotla a rak put lai; hmunthiang i shekel ning khan ngun shekel zeizat man a si kha na tuak lai; mah cucu phungbuar thawinak a si.

LEVITIKAS 5:18

Tuurun chungin tlangbawi sinah tuukawng pakhat dotla, nangmah nih phungbuar thawinak caah a man a za na timi a rak put lai i tlangbawi nih remnak, hngalh loin a tuahmi a palhnak caah khan, a serpiak lai i ngaihthiam a si lai.

LEVITIKAS 5:19

Mah cucu phungbuar thawinak a si; Bawipa hmaiah a mawh ko.”

LUKA 12:48

Sihmanhsehlaw a bawipa duhnak a hngal lo i asinain tuk awk tlak a simi thil a tuahmi cu a dinmi tuknak a in lai. Tampi pekmi cu tampi hal ṭhan a si ve lai; tam deuh pek a simi cu tam deuh hal ṭhan a si ve ko lai,” tiah a ti.

ROM 14:23

Sihmanhsehlaw a eimi kha a ei tikah lungawṭawm in a ummi cu Pathian nih sual a phawt, zeicah tiah a tuahmi cu zumhnak thawngin a si lo. Cun thil zeipaoh zumhnak thawngin tuah a si lomi cu sual a si.