LEVITIKAS 5:16 - Lai (Hakha) Common Language Bible 2006

¹⁶ A thiangmi thil cung i a palhsualnak caah cun rulhnak a tuah lai i a cheu nga cheu khat a chap lai i tlangbawi kha a pek lai; cun tlangbawi nih phungbuar thawinak tuukawng khan remnak a serpiak lai i ngaihthiam a si lai.

LEVITIKAS 5:16 ပူးပေါင်းရင်းမြစ်များ

SALM 69:4

Zei ruang lo ah a ka huatu hna cu ka lu cung sam nakin an tam deuh, ka ral an sinak kongah lih a chimmi hna cu an ṭhawng i thah an ka duh. Ka fir lomi thil kha an ka chamter.

EXODUS 22:1

“Mi nih cawtum siseh tuu siseh a fir i a thah ahcun, a zuarh zong a zuarh ahcun, cawtum pakhat caah cawtum panga a liam lai i tuu pakhat caah tuu pali a liam lai.

LEVITIKAS 22:14

Cun pakhatkhat nih thil thiang cu hngalh loin a ei sual ahcun, a man cheu nga cheu khat cu a chawnh lai i thil thiang cu tlangbawi sinah cun a pek lai.

LEVITIKAS 27:13

Sihmanhsehlaw tlanh a duh ahcun a man tuakmi cungah cheu nga cheu khat a chap lai.

LEVITIKAS 27:15

Cun a pechantu nih a inn cu tlanh a duh ahcun, a man tuakmi cungah tangka in cheu nga cheu khat a chonh lai i amah ta a si lai.

LEVITIKAS 27:27

Cun a thiang lomi saram a si ahcun, nangmah nih a man na tuak ning in a cawk ṭhan lai i cheu nga cheu khat a chap lai; a tlanh lo ahcun a man tuakning ah zuar a si lai.

LEVITIKAS 27:31

Ahohmanh nih a cheu hra cheu khat azeihmanh kha tlanh a duh ahcun cheu nga cheu khat a bet lai.

LEVITIKAS 4:20

Cu bantukin cawtum cu a tuah lai; sual thawinak cawtum a tuah bantuk khan, mah hi zong cu a tuah ve lai; cun tlangbawi nih cun annih caah remnak a ser lai i annih cu ngaihthiam an si lai.

LEVITIKAS 4:26

Cun a thau vialte cu biakṭheng ah a khangh hna lai, daihnak thawinak pekchanhnak sathau bantuk khan; cu bantuk cun tlangbawi nih a sualnak caah cun remnak a tuahpiak lai i ngaihthiam a si lai.

LEVITIKAS 5:10

Cun, pahnihnak cu a phunglam ning in khangh thawinak caah a thawi lai i sualnak a tuahmi caah khan tlangbawi nih remnak a serpiak lai i ngaihthiam a si lai.

LEVITIKAS 5:13

Cu bantukin tlangbawi nih a caah, hi thil pakhatkhat hna cung i sualnak a tuahmi caah cun remnak a serpiak lai i ngaihthiam a si lai. Cun a taangmi cu changvut thawinak i bantuk khan tlangbawi caah a si lai.”

LEVITIKAS 5:6

sualnak a tuahmi caah khan Bawipa sinah sual thawinak a rak put lai, tuurun chungin a nu, tuufa siseh meheh siseh, sual thawinak caah a si lai; cun tlangbawi nih a sualnak caah remnak a serpiak lai.

LEVITIKAS 7:2

Khangh thawinak an thahnak hmun ah khan phungbuar thawinak cu an thah lai i a thisen cu biakṭheng a velchum ah khan an theh lai.

NAMBAR 5:7

sualnak a tuahmi cu a phuan lai i a sualnak caah cun tling tein rulhnak a tuah lai; cheu nga cheu khat a chap lai i a cung i sualnak a tuahnak mi kha a pek lai.

NAMBAR 5:8

Asinain, sualnak tuahmi ca rulhnak cohlangtu ah mipa nih khan rualchan a ngeih lo ahcun, sualnak tuahmi ca rulhnak kha Bawipa sinah tlangbawi caah a kal lai, remnak tuukawng, amah ca i remnak sernak hleiah khan.

LUKA 19:8

Zakia cu a dir i Bawipa cu, “Bawipa, ngaihmanh, misifak caah ka ngeihmi thil hnarcheu ka pek lai; cun ka hlenmi hna an um ahcun a let li in ka cham hna lai,” tiah a si.

LAMKALTU 26:20

A hmasa bik ah Damaskas khua le Jerusalem khua ah, cun Judah mi hna umnak ram dihlak ah, cun Jentail mi hna sinah, ‘Nannih nih nan sualnak kha i ngaichih u law Pathian leiah khan i mer u law nan i ngaihchihnak a langhtertu thil kha tuah hna u,’ tiah ka ti.

1 SAMUEL 6:3

Annih nih, “Israel Pathian i a kuang kha nan kirter a si ahcun, a lawng in kirter citcet hlah u; phungbuar thawinak he nan kirter hrimhrim lai. Cun nan dam lai i zeicahdah a kut cu nan sinin aa mer lo ti kha nan hngalh lai,” an ti.