LEVITIKAS 5:13 - Lai (Hakha) Common Language Bible 2006

¹³ Cu bantukin tlangbawi nih a caah, hi thil pakhatkhat hna cung i sualnak a tuahmi caah cun remnak a serpiak lai i ngaihthiam a si lai. Cun a taangmi cu changvut thawinak i bantuk khan tlangbawi caah a si lai.”

LEVITIKAS 5:13 ပူးပေါင်းရင်းမြစ်များ

HOSEA 4:8

Ka mi hna an sualnak kha rumnak ah nan hman i sual chin lengmang hna seh ti nan duh.

LEVITIKAS 2:10

Cun changvut thawinak chungin a tangmi cu Aaron le a fapa hna caah a si lai; mah hi cu mei in thawinak Bawipa sin pekmi hna lakah a thiang bik a si ve.

LEVITIKAS 2:3

Cun changvut thawinak chungin a taangmi cu Aaron le a fapa hna caah a si lai; mah hi cu mei in thawinak Bawipa sin pekmi hna lakah a thiang bik a si ve.

LEVITIKAS 4:20

Cu bantukin cawtum cu a tuah lai; sual thawinak cawtum a tuah bantuk khan, mah hi zong cu a tuah ve lai; cun tlangbawi nih cun annih caah remnak a ser lai i annih cu ngaihthiam an si lai.

LEVITIKAS 4:26

Cun a thau vialte cu biakṭheng ah a khangh hna lai, daihnak thawinak pekchanhnak sathau bantuk khan; cu bantuk cun tlangbawi nih a sualnak caah cun remnak a tuahpiak lai i ngaihthiam a si lai.

LEVITIKAS 4:31

Cun a thau vialte cu daihnak thawinak chungin a thau lak a si bang khan a lak dih lai i tlangbawi nih biakṭheng cungah Bawipa ca i rimthaw ah a khangh lai; cun tlangbawi nih a caah remnak a tuahpiak lai i ngaihthiam a si lai.

LEVITIKAS 5:10

Cun, pahnihnak cu a phunglam ning in khangh thawinak caah a thawi lai i sualnak a tuahmi caah khan tlangbawi nih remnak a serpiak lai i ngaihthiam a si lai.

LEVITIKAS 5:12

Cun tlangbawi sinah a rak put lai i tlangbawi nih pei khat in a lak lai i biakṭheng cungah Bawipa sin i mei in thawinak cungah cun hngalh camcinnak ah a khangh lai; mah cucu sual thawinak a si.

LEVITIKAS 5:14

Bawipa nih Moses kha hi bangin a chimh,

LEVITIKAS 5:16

A thiangmi thil cung i a palhsualnak caah cun rulhnak a tuah lai i a cheu nga cheu khat a chap lai i tlangbawi kha a pek lai; cun tlangbawi nih phungbuar thawinak tuukawng khan remnak a serpiak lai i ngaihthiam a si lai.

LEVITIKAS 5:4

Cun ahohmanh nih ṭhat lonak tuah awk siseh, ṭhatnak tuah awk siseh, i ruat cungcang loin a hmur in zei bantuk chiatsernak hmanh si ai kun, a ser i amah nih a hngalh lo ahcun, a hun hngalh tikah hi chiatsernak pakhatkhat cungah a mawh lai.

LEVITIKAS 5:5

Hi thil pakhatkhat cungah a mawh ahcun, sualnak a tuahmi kha a phuan lai i

LEVITIKAS 5:6

sualnak a tuahmi caah khan Bawipa sinah sual thawinak a rak put lai, tuurun chungin a nu, tuufa siseh meheh siseh, sual thawinak caah a si lai; cun tlangbawi nih a sualnak caah remnak a serpiak lai.

LEVITIKAS 7:6

Tlangbawi hna lak i pa paoh nih cun mah cucu an ei lai; hmun thiang pakhat ah ei a si lai; mah cucu a thiang bik a si ve.

1 KORIN 9:13

Biakinn chung i rian a ṭuanmi hna nih Biakinn in an rawl kha an hmuh ti le biakṭheng cung i raithawinak a pechanmi hna nih raithawinak sa kha an co ve ti cu nan hngalh.

1 SAMUEL 2:28

Cun amah cu ka biakṭheng i hung kal awk le zihmui khangh awk le keimah hmai i tlangbawi angki i hruk awkah, Israel mi phun vialte chungin ka tlangbawi si awkah ka thim; cun na pa chungle hna sinah cun Israel mi sinin ka hmuhmi mei in khanghmi pekchanhnak vialte kha ka pek.