LEVITIKAS 5:11 - Lai (Hakha) Common Language Bible 2006

¹¹ “Sihmanhsehlaw ṭhuro pahnih siseh, laileng no pahnih siseh, a ngeih nih a tlinh lo ahcun, sualnak a tuahmi thawinak caah khan, sual thawinak caah changvut dip ephah cheu hra cheu khat a rak put lai; chiti a toih lai lo, frankinsen zong a toih lai lo, zeitintiah mah hi cu sual thawinak a si.

LEVITIKAS 5:11 ပူးပေါင်းရင်းမြစ်များ

EXODUS 16:18

Asinain an tah tikah tam deuh a charmi kha tam tuk an ngei hlei lo i tlawm deuh a charmi kha tlawm tuk an ngei hlei lo. An charmi kha an ca i aa za ciomi a si.

EXODUS 16:36

(Omer pakhat cu efah cheu hra cheu khat a si.)

LEVITIKAS 1:14

“Bawipa sin i a pekchanhmi cu vate khangh thawinak a si ahcun, a pekchanhmi ṭhuro si hna seh laileng no si hna seh a rak put hna lai.

LEVITIKAS 12:8

Cun tuufa kha a ngeih khawh lo ahcun, ṭhuro pahnih maw, laileng no pahnih dik a lak hna lai, pakhat cu khangh thawinak caah a si lai i a dang cu sual thawinak caah a si lai; cun tlangbawi nih remnak a serpiak lai i amah cu a thiang lai.”

LEVITIKAS 14:21

“Sihmanhsehlaw amah cu sifak a si i cu zat cu a tlinh khawh lo ahcun, amah ca i remnak sernak caah tuufa a pa pakhat phungbuar thawinak i hninh awk caah, changvut dip ephah cheu hra cheu khat chiti he cawhmi changvut thawinak caah, cun chiti thawl khat a lak lai;

LEVITIKAS 27:8

Cun a man na tuakmi cu pakhatkhat nih a si a fah tuk caah a pek khawh lo ahcun, a minung cu tlangbawi hmaiah a chuahpi lai i tlangbawi nih cun a man cu a tuak lai; biakamnak a sertu nih a ti khawhning khan in tlangbawi nih a man cu a tuak lai.

LEVITIKAS 5:12

Cun tlangbawi sinah a rak put lai i tlangbawi nih pei khat in a lak lai i biakṭheng cungah Bawipa sin i mei in thawinak cungah cun hngalh camcinnak ah a khangh lai; mah cucu sual thawinak a si.

LEVITIKAS 5:6

sualnak a tuahmi caah khan Bawipa sinah sual thawinak a rak put lai, tuurun chungin a nu, tuufa siseh meheh siseh, sual thawinak caah a si lai; cun tlangbawi nih a sualnak caah remnak a serpiak lai.

LEVITIKAS 5:9

sual thawinak thisen cu tlawmpal in biakṭheng sirah a theh lai i thisen a taangmi cu biakṭheng hram ah a zor lai; mah cucu sual thawinak a si.

LEVITIKAS 6:20

“Mah hihi chiti thuh a si ni ah Aaron le a fapa hna nih Bawipa sinah an pekchanh awk thawinak a si lai. Pekchanh tawnmi changvut thawinak ah changvut dip ephah pakhat cheu hra cheu khat, a cheu cu zinglei ah, a cheu zanlei ah.

NAMBAR 5:15

khi tikah mipa nih a nupi cu tlangbawi sinah a ratpi lai i amah kongah a herhmi pekchanhnak kha a rak put lai, cucu barli dip ephah cheu hra cheu khat a si lai; chiti a toih lai lo, frankinsen zong a toih lai lo, zeicahtiah lunghrinh changvut thawinak, hngalh ṭhannak changvut thawinak a si; ṭhat lonak hngalh ṭhanternak caah a si.

NAMBAR 7:13

a pekchanhmi thil cu mah hi an si, ngun kheng pakhat shekel za khat le sawm thum a ritmi, ngun pakan kuar pakhat shekel sawm sarih a ritmi, hmunthiang shekel ningin; an pahnih in changvut thawinak ca i chiti cawhmi changvut dip a khat veve in;

LUKA 2:24

Cun Bawipa nawlbia nih, Ṭhuro tuah khat, asiloah, laileng no pahnih, raithawinak ah nan pekchanh hna lai, a ti bantukin annih nih raithawinak kha an pekchanh.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

HEBRU 9:22

Nawlbia ning ah cun zei paohpaoh hi thisen in thianh a si i sualnak hi thisen luanh lawnglawng in ngaihthiam a si.